باس حاتشى ەتىپ وزگەرتىلدى.
تمد مەملەكەتتەرى باسشىلارى كەڭەسى ءسامميتىنىڭ شاعىن وتىرىسىندا تمد اتقارۋشى حاتشىسىنىڭ لاۋازىمىن تمد باس حاتشىسى ەتىپ وزگەرتۋ تۋرالى شەشىم قابىلداندى. بۇل جايىندا ق ر پرەزيدەنتى قاسىم-جومارت توقايەۆ ءساميتتتىڭ كەڭەيتىلگەن وتىرىسىندا ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«مەن قول قويۋ ءراسىمى ءوتىپ جاتقان كەزدە سىزدەرگە شاعىن فورماتتا تمد اتقارۋشى حاتشىسىنىڭ لاۋازىمىن تمد باس حاتشىسى دەپ قايتا اتاۋ تۋرالى تالقىلاعانىمىزدى ءمالىم ەتە كەتەيىن»، - دەگەن قازاقستان باسشىسى بۇعان دەيىن اوسشك مەن شانحاي ىنتىماقتاستىق ۇيىمى اتقارۋشى حاتشىلارىنىڭ لاۋازىمى دا وزگەرتىلگەنىن ەسكە سالدى.
«وسى ماسەلە بويىنشا سويلەگەن سوزىمدە مەن وسىنداي ۇسىنىس ايتتىم. ويتكەنى كەشە ءبىز اوسشك اتقارۋشى حاتشىسىنىڭ لاۋازىمىن باس حاتشى لاۋازىمىنا قايتا اتاۋ تۋرالى شەشىم قابىلدادىق. بۇدان بۇرىن شىۇ اتقارۋشى حاتشىسىنىڭ لاۋازىمى دا باس حاتشى لاۋازىمى بولىپ وزگەرتىلدى. نەگىزى اتقارۋشى ورگان لاۋازىمىنىڭ مارتەبەسىن ارتتىرۋ ماسەلەسى ماڭىزدى. ونىڭ ۇستىنە سەرگەي نيكولايەۆيچ لەبەديەۆ تۋرالى ايتىلىپ وتىرعاندىقتان، ول ادام تمد-نىڭ باس حاتشىسى سياقتى لاۋازىمىنا ابدەن لايىق دەپ ويلايمىن. باس حاتشى لاۋازىمىنىڭ ءوزى بەلگىلى ءبىر دارەجەدە، جالپى ۇيىمىمىزدىڭ مارتەبەسىن ەداۋىر ارتتىراتىنى انىق»،- دەدى قاسىم-جومارت توقايەۆ.