رەسپۋبليكالىق ماڭىزى بار اۆتوجولداردان اقمولالىق قۇتقارۋشىلار جەرگىلىكتى اتقارۋشى ورگاندارمەن بىرلەسىپ تۇندە 191 ادامدى قۇتقارىپ، جىلىتۋ پۋنكتتەرىنە ورنالاستىردى، ونىڭ ىشىندە 20 بالا، دەپ حابارلايدى almaty-akshamy.kz اقمولا وبلىسى تجد باسپا ءسوز قىزمەتىنە سىلتەمە جاساپ.
جاقسى اۋدانىندا 2 قۇتقارۋ وقيعاسى ورىن الدى. ساعات 18:04-تە «جاقسى-ەسىل-بۇزىلىق» اۆتوجولىندا «استانا-چەليابينسك» باعىتى بويىنشا جۇرەتىن رەيستىك اۆتوبۋستىڭ تەحنيكالىق اقاۋلىعىنا بايلانىستى جاقسى كەنتىنىڭ جىلىتۋ پۋنكتىنە 64 ادام ەۆاكۋاسيالاندى، ونىڭ ىشىندە 17 بالا. بارلىعى وزبەكستان ازاماتتارى.
3 ساعاتتان كەيىن سول اۆتوجولدىڭ بوگەت بەكەتتەرىنەن تاعى 54 وزبەكستان ازاماتى قۇتقارىلدى، ونىڭ ىشىندە 3 بالا.
جاقسى اۋدانىنىڭ قۇتقارۋشىلارى اۆاريالىق-قۇتقارۋ جۇمىستارىن ءساتتى جۇرگىزىپ، قۇتقارۋ ەستافەتاسىن اتباسار قۇتقارۋشىلارىنا تاپسىردى. ءبىراق بۇل جولى تاجىكستان ازاماتتارى قۇتقارىلدى. ساعات 23-25-تە «الماتى-ەكاتەرينبۋرگ» اۆتوجولىندا ەكاتەرينبۋرگ قالاسىنا جول تارتقان رەيستىك اۆتوبۋس بۇزىلىپ، جىلىتۋ پۋنكتتەرىنە 71 ادام ەۆاكۋاسيالاندى. مەديسينالىق كومەككە مۇقتاج بولعان جوق.
سونداي-اق، «استانا-ششۋچينسك» اۆتوجولىندا جىلىتۋ پۋنكتىنە قازاقستاننىڭ 2 ازاماتى ورنالاستىرىلدى.
اقمولا وبلىسىنىڭ توتەنشە جاعدايلار دەپارتامەنتى سىزدەن اۆتوكولىكپەن ۇزاق ساپارلاردان باس تارتۋدى سۇرايدى. ەلدى مەكەندەردەن تىس ساپاردى جوسپارلاۋ كەزىندە سينوپتيكتەردىڭ بولجامىن تىڭداڭىز، قۇتقارۋ قىزمەتىنىڭ SMS حابارلامالارىنا نازار اۋدارىڭىز. اۆتوجولداردىڭ جابىلۋى نەمەسە اشىلۋى تۋرالى ءسىز «دارمەن» ءموبيلدى قوسىمشاسىنان بىلە الاسىز نەمەسە 14-03 ءنومىرى بويىنشا «قازاۆتوجول» كولل-ورتالىعىنا جۇگىنە الاسىز.