2024 جىلعى 16 اقپاندا ساعات 08.52-دە الماتى وبلىسى تجد قاپشاعاي سۋ قويماسىنىڭ «گولۋبوي زاليۆ» ۋچاسكەسىنىڭ اۋماعىڭداعى مۇزدىڭ سىنىپ، مۇز ۇستىندە 1949 جىلى تۋعان ەر ادام قالعانى تۋرالى حابارلاما كەلىپ ءتۇستى، دەپ حابارلايدى almaty-akshamy.kz الماتى وبلىسى تجد باسپا ءسوز قىزمەتىنە سىلتەمە جاساپ.
شاقىرۋ ورنىنا قونايەۆ قالاسىنىڭ جەدەل-قۇتقارۋ جاساعىنىڭ قۇتقارۋشىلارى دەرەۋ جىبەرىلدى.
ەر ادام تۇندە بالىق اۋلاۋعا كەلگەن ەكەن. تاڭەرتەڭ مۇز سىنىپ، ول وزدىگىنەن جاعاعا شىعا الماعاندىقتان، قۇتقارۋ قىزمەتىنە جۇگىندى.
قونايەۆ قالاسى جەدەل-قۇتقارۋ جاساعىنىڭ 8 قۇتقارۋشىسى، 2 بىرلىك تەحنيكاسى، ءجۇزۋ قۇرالدارىنىڭ كۇشىمەن جاعاعا جەتكىزىلدى.
مەديسينالىق كومەك قاجەت ەمەس.
ەر ادام الماتى وبلىسى تجد قىزمەتكەرلەرىنە ءومىرىن ساقتاپ قالعانى ءۇشىن ۇلكەن العىسىن ءبىلدىردى.
قالىپتاسقان تۇراقسىز اۋا رايىنا بايلانىستى جانە جازاتايىم وقيعالاردىڭ الدىن الۋ، جۇقا مۇزدا جاراقات الۋ مەن ادام ءولىمىنىڭ الدىن الۋ ماقساتىندا الماتى وبلىسىنىڭ تجد سۋ ايدىندارىندا قاۋىپسىزدىك ەرەجەلەرىن ساقتاۋعا جانە جۇقا مۇزعا شىعۋدان باس تارتۋعا كەڭەس بەرەدى.