الماتى وبلىسى بالقاش اۋدانىنىڭ ميالى اۋىلىنان 20 شاقىرىم قاشىقتىقتا ساڭىراۋقۇلاق جيناۋعا شىققان التى ادامنان تۇراتىن وتباسى ۇيىنە قايتىپ ورالماي، جوعالىپ كەتتى، دەپ حابارلايدى aqshamnews.kz.
ولاردىڭ تۋىستارى دەرەۋ قۇتقارۋشىلاردان كومەك سۇرادى.
توتەنشە جاعدايلار مينيسترلىگىنىڭ ىزدەستىرۋ توبى جەدەل تۇردە ارەكەت ەتىپ، جوعالعان وتباسىنى تاپتى. ولار اسۋ ارقىلى ءوتىپ كەلە جاتىپ، باتپاققا باتىپ قالعان ەكەن جانە ءارى قاراي جۇرە الماعان. قۇتقارۋشىلار وتباسى مۇشەلەرىن ءقاۋىپسىز جەرگە جەتكىزىپ، مەديسينالىق كومەك كورسەتتى.
بۇل جاعداي تجم قىزمەتكەرلەرىنىڭ شۇعىل جانە كاسىبي ارەكەتىنىڭ ارقاسىندا وتباسىن امان-ەسەن قۇتقارۋعا مۇمكىندىك بەرگەنىن كورسەتتى.