كىشكەنتاي كورەرمەندەردىڭ قاۋىپسىزدىك مادەنيەتىن ارتتىرۋ ءۇشىن تجم اۋماقتىق بولىمشەلەرى مۋلتفيلمدەر شىعارادى.
«بالالاردىڭ قاۋىپسىزدىگى - ءبىزدىڭ باسىمدىعىمىز. مۋلتفيلمدەر ارقىلى ءبىز وسكەلەڭ ۇرپاققا ۇقىپتى مىنەز-قۇلىق داعدىلارىن ويىن تۇرىندە سىڭىرۋگە تىرىسامىز. ءار بالانىڭ ءقاۋىپتى قالاي بولدىرماۋعا بولاتىنىن جانە توتەنشە جاعدايدا نە ىستەۋ كەرەكتىگىن ءبىلۋى ماڭىزدى»، - دەدى شىعىس قازاقستان وبلىسى تجد باستىعى راشيد بليالوۆ ايتتى.
شىعىس قازاقستان تجد مەن «قازسينك» ج ش س ماماندارى بىرلەسىپ كەزەكتى انيماسيالىق فيلم ءتۇسىردى. بۇعان دەيىن «اييا مەن تەنتەك» كەيىپكەرلەرى قىس مەزگىلىندەگى قاۋىپسىزدىك ەرەجەلەرى، جەر سىلكىنىسى كەزىندەگى ارەكەتتەر، جازعى سۋ ايدىندارىنداعى جانە تابيعاتتاعى ساقتىق شارالارى تۋرالى ايتىپ بەرگەن ەدى.
ءمۋلتفيلمنىڭ سەنارييى بالالاردىڭ قاۋىپسىزدىك ساباقتارىن وڭاي مەڭگەرۋى ءۇشىن ارنايى ازىرلەنگەن. باس كەيىپكەرلەردىڭ مىسالىندا بالالار ورتكە اكەلۋى مۇمكىن قاتەلىكتەردەن اۋلاق بولۋدى ۇيرەنەدى.
ءمۋلتفيلمنىڭ ۇيدەگى ءورت قاۋىپسىزدىگى تۋرالى جاڭا سەرياسى وبلىس ورتالىعىنداعى كينوتەاترلاردىڭ بىرىندە كورسەتىلدى. العاشقى كورەرمەندەر «ءۇمىت» بالالار ءۇيىنىڭ تاربيەلەنۋشىلەرى بولدى.
كورسەتىلىمنەن كەيىن بالالار ءوز اسەرلەرىمەن ءبولىسىپ، قۇتقارۋشىلار وتكىزگەن ءورتتىڭ الدىن الۋ بويىنشا ءدارىستى تىڭدادى.