تجم جۋرناليستەر اراسىندا ءورت ءسوندىرۋ كاسىبىندەگى ەڭ مىقتىنى انىقتادى
بۇقارالىق اقپارات قۇرالدارى قىزمەتكەرلەرى كۇنىن مەرەكەلەۋ قارساڭىندا نۇر-سۇلتان قالاسىنىڭ № 6 مامانداندىرىلعان ءورت ءسوندىرۋ ءبولىمىنىڭ اۋماعىندا جۋرناليستەر اراسىندا ءورت ءسوندىرۋ-قۇتقارۋ كۆەستى ۇيىمداستىرىلدى، دەپ حابارلادى Almaty-akshamy.kz. ق ر تجم جاريالاعان اقپاراتقا سىلتەمە جاساپ.
ءىس-شارانى توتەنشە جاعدايلار ءمينيسترى يۋريي يلين اشتى. مينيستر قازىرگى قوعامداعى باق-تىڭ ءرولىن جوعارى باعالاپ، ماسس-مەديانىڭ قوعامعا، ازاماتتىق قورعاۋ ورگاندارىنىڭ يميدجىنە ىقپالىن اتاپ ءوتتى.
«سىزدەر تابيعي اپاتتاردىڭ ەپيورتالىعىندا بولىپ تۇراسىزدار. سىزدەردىڭ ەڭبەكتەرىڭىزدىڭ ارقاسىندا ەلىمىزدىڭ ازاماتتارى قۇتقارۋشىلار مەن ءورت سوندىرۋشىلەردىڭ قىزمەتى تۋرالى بىلەدى، سىزدەردىڭ جۇمىستارىڭىز قاراپايىم ازاماتتارعا توتەنشە جاعدايعا دايىن بولۋعا مۇمكىندىك بەرەدى»، - دەدى تجم باسشىسى يۋريي يلين باسپا ءسوز وكىلدەرىنىڭ الدىندا سويلەگەن سوزىندە.
«Qazaqstan»، «Atameken business»، «ەۋرازيا» ءبىرىنشى ارناسى، «31 ارنا»، «كتك» تەلەارنالارىنىڭ، «Tengrinews»، «Kazinform» اقپاراتتىق اگەنتتىكتەرىنىڭ وكىلدەرى ق ر توتەنشە جاعدايلار مينيسترلىگى ۇيىمداستىرعان جارىستارعا قاتىستى.
بىرنەشە ساعات بويى ولار ءورت سوندىرۋشىلەر رولىندە وزدەرىن تولىق سەزىنە الدى. ءورت سوندىرۋشىلەر ناقتى جاعدايلاردا بەتپە-بەت كەلەتىن كۇردەلى مىندەتتەردى ورىنداي وتىرىپ، ءورت ءسوندىرۋشى مەن قۇتقارۋشى ماماندىعىنىڭ قانشالىقتى كۇردەلى جانە ءقاۋىپتى ەكەنىن سەزىندى.
كۆەست باستالار الدىندا ءورت سوندىرۋشىلەر نۇسقاۋلىق وتكىزدى.
كوماندالاردىڭ الدىندا ءتۇتىن كامەراسىنان ءوتۋ، كەدەرگىلەر جولاعىنان ءوتۋ، زارداپ شەككەن ادامدى تابۋ جانە قۇتقارۋ، ءورت ءسوندىرۋ وقپانىمەن جۇمىس ىستەۋ جانە زارداپ شەككەن ادامعا مەديسينالىق كومەك كورسەتۋ مىندەتى تۇردى.
كۆەست قورىتىندىسى بويىنشا، «Atameken business» تەلەارناسىنىڭ كومانداسى ءبىرىنشى ورىندى، «Kazinform» اقپاراتتىق اگەنتتىگىنىڭ جۋرناليستەرى ەكىنشى ورىندى، «ەۋرازيا» ءبىرىنشى ارناسى» تەلەارناسىنىڭ قىزمەتكەرلەرى ءۇشىنشى ورىندى يەلەندى.
جارىستىڭ جۇلدەگەرلەرى مەن قاتىسۋشىلارى ەستەلىك سىيلىقتارمەن جانە ديپلومدارمەن ماراپاتتالدى.
