تج ءمينيسترى قازاقستاندىقتارعا ۇندەۋ جاسادى
30 جەلتوقساننان 3 قاڭتار ارالىعىندا تجم بولىمشەلەرى توتەنشە جاعدايلارعا جەدەل دەن قويۋ ءۇشىن قىزمەتتىڭ كۇشەيتىلگەن رەجيمىنە كوشتى. كۇشتەر مەن قۇرالدار تۇراقتى ازىرلىكتە تۇر.
مەرەكە كۇندەرى اۋا-رايىنىڭ قولايسىزدىعىنا بايلانىستى تجم ازاماتتاردان داۋىلدى ەسكەرتۋلەردى، اۋا-رايىنىڭ وزگەرۋىن، جولداردىڭ جابىلۋى تۋرالى حابارلامالاردى باقىلاۋدى، سونداي-اق الىس ساپارعا شىقپاۋدى سۇرايدى.
اۋىلدىق جەرلەردە تۇراتىن تۇرعىندارعا اۋا رايى ناشارلاعان جاعدايدا الىس قاشىقتىققا جاياۋ جۇرۋدەن باس تارتۋدى ۇسىنامىز.
قازىرگى ۋاقىتتا اۋا-رايىنىڭ كۇرت جىلىنۋىنا بايلانىستى ەلىمىزدىڭ كەيبىر وڭىرلەرىندە سۋ ايدىندارىندا مۇزدىڭ جۇقارعانى بايقالادى. وسىعان بايلانىستى ازاماتتاردان جۇقا مۇزعا شىقپاۋدى جانە ءقاۋىپسىز ءجۇرىس-تۇرىس ەرەجەلەرىن قاتاڭ ساقتاۋدى سۇرايمىز!
جاڭا جىلدىق ءىس-شارالاردى ۇيىمداستىرۋشىلار مەن ازاماتتاردى ءورت قاۋىپسىزدىگى ەرەجەلەرىنىڭ تالاپتارىن ساقتاۋعا شاقىرامىز. ءۇي-جايدا وتشاشۋلار مەن ورتكە اكەلۋى مۇمكىن باسقا دا ءورت ءقاۋىپتى جارىق اسەرى بار قۇرالداردى پايدالانۋعا بولمايدى.
پيروتەحنيكالىق قۇرالداردى ابايسىز قولدانۋ ءورتتىڭ پايدا بولۋىنا عانا ەمەس، سونىمەن قاتار جاراقات پەن مەرتىگۋگە اكەلۋى مۇمكىن ەكەنىن ەسكە سالامىز.
سونىمەن قاتار، تۇرمىستىق ءورت قاۋىپسىزدىگى ەرەجەلەرىن ساقتاپ، بالالاردى ەرەسەكتەردىڭ قاراۋىنسىز قالدىرماۋ قاجەت.
قاراپايىم ەرەجەلەردى ساقتاۋ ءسىزدىڭ جانە جاقىندارىڭىزدىڭ ءومىرى مەن دەنساۋلىعىن ساقتاۋعا مۇمكىندىك بەرەدى.
جاڭا جىل وتباسىلىق مەرەكە ەكەنىن ەسكەرە وتىرىپ، ونى ۇيدە وتباسىمەن قارسى الۋ ۇسىنىلادى.