ساعادات نۇرماعامبەتوۆ اتىنداعى قۇرلىق اسكەرلەرى اسكەري ينستيتۋتىنىڭ كۋرسانتتارى، «كيروۆ» اسكەري-پاتريوتتىق كلۋبى جانە پولكوۆنيك بوريس كەرىمبايەۆ اتىنداعى № 95 جالپى ءبىلىم بەرەتىن مەكتەپتىڭ تاربيەلەنۋشىلەرى الماتى قالاسىنىڭ 2ء-شى قالالىق بالالار اۋرۋحاناسىندا بولىپ، بالالاردى كەلە جاتقان جاڭا جىلمەن قۇتتىقتادى.
بولاشاق وفيسەرلەر مەن «جاس سارباز» اسكەري-پاتريوتتىق قوزعالىسىنىڭ تاربيەلەنۋشىلەرى ءتورت بولىمشەنى ارالاپ، جۇزدەن استام بالاعا قۋانىش سىيلادى. ولاردىڭ مەرەكەلىك ءىس-شارانى ۇيىمداستىرۋعا شىعارماشىلىقپەن كەلگەنى بايقالىپ تۇردى. بالالار جاتقان پالاتاعا الپينيست اياز اتا تەرەزەدەن ءتۇسىپ تاڭ قالدىردى. اياز اتانىڭ ءرولىن بەس جىل الپينيزممەن اينالىسقان «كيروۆ» اسكەري-پاتريوتتىق كلۋبىنىڭ تۇلەگى مۇحيت تۇردىقۇلوۆ وينادى.
– جاڭا جىل قارساڭىندا بالالار اۋرۋحاناسىنا بارۋ ينستيتۋت باسشىلىعى مەن كۋرسانتتار ءۇشىن قالىپتاسقان ءداستۇر دەۋگە بولادى. ءبىز بالالاردىڭ كوڭىل-كۇيىن كوتەرىپ قانا قويماي، ءوزىمىز دە دەمالىپ قالدىق. بۇل قۋانىش ولاردىڭ تەز ساۋىعىپ كەتۋىنە سەپ بولادى دەپ ۇمىتتەنەمىز، – دەيدى كۋرسانت نۇربەك بەردىش.
اكسيا دەنساۋلىعىنا بايلانىستى جاڭا جىلدى اۋرۋحانادا قارسى الۋعا ءماجبۇر بولعان بالالار ءۇشىن عاجايىپ وقيعا بولدى. بالالارمەن بىرگە اتا-انالار دا، مەديسينا قىزمەتكەرلەرى دە قۋانىپ قالدى. قايىرىمدىلىق اكسياسىن ۇيىمداستىرۋشىلار ءار بالانىڭ تەزىرەك ساۋىعىپ كەتۋىن تىلەپ، جاڭا جىلدىق سىيلىقتار تابىس ەتتى. قۇتتىقتاۋلاردى قۋانا قابىلداعان بالالار دا ءان ايتىپ، ولەڭ وقىپ بەردى.
