تجم اۋە پاركى قازاقستاندا قۇراستىرىلعان مي-8امت ەكى جاڭا تىكۇشاعىمەن تولىقتى
24 ماۋسىمدا الماتى قالاسىندا «№405 اۆياجوندەۋ زاۋىتى» اق اۋماعىندا قازاقستان رەسپۋبليكاسىنىڭ توتەنشە جاعدايلار مينيسترلىگىنە قازاقستاندا قۇراستىرىلعان مي-8امت ەكى تىكۇشاعىن بەرۋ ءراسىمى ءوتتى، دەپ حابارلادى Almaaty-akshamy.kz ق ر تجم تاراتحان حابارىنا سىلتەمە جاساپ. ءىس-شاراعا توتەنشە جاعدايلار ءبىرىنشى ۆيسە-مينيسترى يبراگيم كۇلشىمبايەۆ قاتىستى.
ول 2020 جىلعى جەلتوقساندا قازاقستاندا قۇراستىرىلعان مي-8امت العاشقى 2 تىكۇشاعى دا قازاقستان ءتجم-نىڭ پايدالانۋىنا بەرىلگەنىن اتاپ ءوتتى. اۋە كەمەلەرى نۇر-سۇلتان، الماتى قالالارىندا ازىرلىكتە تۇر. ولار تۇركىستان وبلىسىنىڭ تاۋلارىنداعى ىزدەستىرۋ-قۇتقارۋ وپەراسيالارىنا، شۇعىل مەديسينالىق ەۆاكۋاسيالاۋعا، ورمان اۆياسيالىق جۇمىستارىنا جانە ەلىمىزدىڭ اۋماعىنداعى سۋ تاسقىنى ءقاۋپى بار كەزەڭدە اەروۆيزۋالدى بارلاۋ جۇمىستارىنا جۇمىلدىرىلدى.
تجم تىكۇشاقتار پاركىن تولىقتىرۋ «قازاقستان ينجينيرينگ» ۇك» اق، «№ 405 اۆياجوندەۋ زاۋىتى» اق جانە «رەسەي تىكۇشاقتارى» اق اراسىنداعى ءۇشجاقتى كەلىسىم اياسىندا ىسكە اسىرىلادى.
تىكۇشاقتار تجم ورىندايتىن مىندەتتەردى ەسكەرە وتىرىپ قالىپتاستىرىلعان. ولار جولاۋشىلار مەن جۇكتەردى تاسىمالداۋعا، ءزىلزالالار مەن تابيعي اپاتتار ايماقتارىنداعى اۆاريالىق-قۇتقارۋ جۇمىستارىنا، ورمانداردى كۇزەتۋگە، ءورت سوندىرۋگە، سونداي-اق حالىققا سانيتاريالىق اۆياسيا قىزمەتتەرىن كورسەتۋگە بەيىمدەلگەن.
تەحنيكا اۆياسيالىق قىزمەتتەر مەن جۇمىستاردىڭ كەڭ سپەكترىن ورىنداۋعا ارنالعان. ول زاماناۋي جابدىقتارمەن، ۇشۋدىڭ پراكتيكالىق اۋقىمىن 2 ەسەگە ارتتىراتىن قوسىمشا وتىن باكتارىمەن جابدىقتالعان.
مي-8امت موديفيكاسيالانعان اۋە كەمەسىندە ۇشۋلاردى ورىنداۋ ءۇشىن تجم ۇشۋ جانە ينجەنەرلىك-تەحنيكالىق قۇرامىنان 18 ادام (12 ۇشقىش جانە 6 بورت-مەحانيك) ۇلان-ۋدە قالاسىنداعى «بارگۋزين اك» اۆياسيالىق وقۋ ورتالىعىندا ۇشۋ دايارلىعىنان ءوتتى.
ءىس-شارا سوڭىندا ءبىرىنشى ۆيسە-مينيستر الداعى ۋاقىتتا تج مينيسترلىگىنىڭ ماتەريالدىق-تەحنيكالىق بازاسىن نىعايتۋ بويىنشا جۇمىس جالعاساتىنىن اتاپ ءوتتى. ول تابيعي جانە تەحنوگەندىك سيپاتتاعى توتەنشە جاعدايلار كەزىندە قۇتقارۋ وپەراسيالارىن جۇرگىزۋدىڭ تيىمدىلىگىن ارتتىرۋعا مۇمكىندىك بەرەدى.
