اباي اتىنداعى قازۇپۋ مەن فۋدان ۋنيۆەرسيتەتىنىڭ چجانسزيان ينستيتۋتى اراسىندا كەلىسىمشارتقا قول قويىلدى
2021 جىلعى 24 ماۋسىمدا اباي ۋنيۆەرسيتەتى مەن فۋدان ۋنيۆەرسيتەتىنىڭ چجانسزيان ينستيتۋتى (شانحاي، قحر) اراسىندا كەلىسىمشارتقا قول قويۋ ءراسىمى ونلاين فورماتتا ءوتتى.
ىنتىماقتاستىقتىڭ ماقساتى - ەنەرگەتيكانىڭ كومىرتەك بەيتاراپتىلىعى جانە سيفرلاندىرۋ سالاسىندا زەرتتەۋلەر جۇرگىزۋ ءۇشىن بىرلەسكەن يننوۆاسيالىق ورتالىق قۇرۋ، تاجىريبە الماسۋ جانە «ءبىر بەلدەۋ، ءبىر جول» جوباسى اياسىندا جوعارى وقۋ ورىندارىنىڭ عىلىمي الەۋەتىن كەڭەيتۋ.
كەزدەسۋ بەينەكونفەرەنسيا (ZOOM) فورماتىندا ءوتتى.
رەكتور دارحان ءبىلالوۆ ءوز سوزىندە پەداگوگتاردى دايارلاۋمەن عانا ەمەس، سونداي-اق ءتۇرلى زەرتتەۋ باعىتىنداعى جاس عالىمداردى دايارلاۋمەن اينالىساتىن اباي اتىنداعى قازۇپۋ تۋرالى ايتىپ، ەكى جوعارى وقۋ ورنى اراسىنداعى عىلىمي ىنتىماقتاستىقتى دامىتۋدىڭ ماڭىزدىلىعىن اتاپ ءوتتى.
پروفەسسور سۋن ياوسزە (Sun Yaojie) ەنەرگەتيكانىڭ كومىرتەك بەيتاراپتىلىعى جانە سيفرلاندىرۋ بويىنشا زەرتتەۋلەردىڭ بىرلەسكەن جوسپارىن ۇسىندى. اباي اتىنداعى قازۇپۋ عىلىمي-زەرتتەۋ توبىنىڭ مۇشەلەرى تانىستىرىلىپ، عزتكج مارتەبەسى ىنتىماقتاستىق جوسپارلارىنا تالداۋ جاسالدى.
بىرلەسكەن جوباعا جاراتىلىستانۋ-گەوگرافيا ينستيتۋتى مەن ماتەماتيكا، فيزيكا جانە ينفورماتيكا ينستيتۋتىنىڭ عالىمدارى قاتىسادى.