تجم اكادەمياسىنا ەندى قىزدار دا وقۋعا تۇسە الادى

كۋرسانتتاردى وقىتۋ رەسپۋبليكالىق بيۋدجەت ەسەبىنەن جۇزەگە اسىرىلادى.

شقو توتەنشە جاعدايلار دەپارتامەنتى مەن ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىندە ق ر تجم م.عابدۋللين اتىنداعى ازاماتتىق قورعاۋ اكادەمياسىنا وقۋعا تۇسۋگە قابىلداۋ باستالدى، دەپ حابارلايدى Almaty-akshamy.kz.

«اكادەمياعا كۇندىزگى وقۋعا ورتا ءبىلىمى بار، ون التى جاسقا تولعان، دەنساۋلىق جاعدايى بويىنشا اسكەري قىزمەتكە جانە وقۋعا جارامدى قازاقستان رەسپۋبليكاسىنىڭ ازاماتتارى قابىلدانادى. جاڭا وزگەرىس بويىنشا وندا قىزدارعا دا تۇسۋگە مۇمكىندىك بار. اكادەمياعا قابىلداۋ مەديسينالىق، فيزيكالىق جانە پسيحوفيزيولوگيالىق كورسەتكىشتەرگە سايكەس ىرىكتەۋ ناتيجەلەرىن ەسكەرە وتىرىپ، ۇبت سەرتيفيكاتىنىڭ بالدارىنا سايكەس كونكۋرس بويىنشا جۇرگىزىلەدى»، - دەپ مالىمدەدى دەپارتامەنتتىڭ باسپا ءسوز قىزمەتى.

كۋرسانتتاردى وقىتۋ رەسپۋبليكالىق بيۋدجەت ەسەبىنەن جۇزەگە اسىرىلادى. كۋرسانتتار بارلىق وقۋ كەزەڭىنە تەگىن كيىم-كەشەكپەن، تاماقپەن جانە مەملەكەتتىك ستيپەنديامەن قامتاماسىز ەتىلەدى.

سونداي-اق كۋرسانتتارعا دەمالىس كەزىندە جول ءجۇرۋ اقىسى تولەنەدى. وقۋ مەرزىمى - 4 جىل. وقۋ ۋاقىتى مەن مەرزىمى اسكەري قىزمەت وتكەرۋمەن تەڭەستىرىلەدى، - دەلىنگەن اقپاراتتا.