جىگىتتەر ناعىز باتىلدىق تانىتىپ، قايعىلى جاعدايدىڭ الدىن الدى.
توتەنشە جاعدايلار ءمينيسترى ورتتەن ەكى ادامدى قۇتقارعان قاراعاندىلىق وقۋشىلار – ەراسىل جانە قانات سماعۇلوۆتاردى جانە ولاردىڭ كورشىسى رۋسلان ءتۇسىپوۆتى «ورتتە كورسەتكەن قايسارلىعى ءۇشىن» مەدالىمەن ماراپاتتادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
سالتاناتتى ماراپاتتاۋ شاراسى اعايىندى سماعۇلوۆتار وقيتىن №12 مەكتەپتە ءوتتى. قاراعاندى وبلىستىق توتەنشە جاعدايلار دەپارتامەنتى باستىعىنىڭ ورىنباسارى نۇرلان بەكبوسىنوۆ باتىرلارعا ۆەدومستۆولىق مەدالدار مەن ەستەلىك سىيلىقتاردى وقۋشىلار مەن پەداگوگتاردىڭ قاتىسۋىمەن وتكەن جيىندا تابىس ەتتى.
ءوز كەزەگىندە وبلىستىق ءبىلىم باسقارماسىنىڭ باسشىسى گۇلسىم قوجاحمەتوۆا وقۋشىلارعا ءبىلىم ءمينيسترىنىڭ العىس حاتتارى مەن ەستەلىك سىيلىقتارىن تارتۋ ەتتى.
«جىگىتتەر ناعىز باتىلدىق تانىتىپ، قايعىلى جاعدايدىڭ الدىن الدى. بۇعان ءبارى بىردەي باتىلدىق تانىتا المايدى، بۇل ەرلىك پەن شەشىمدىلىكتى قاجەت ەتەدى. بالالارىن دۇرىس تاربيەلەگەن باتىرلاردىڭ اتا-انالارىنا العىس ايتامىز»، – دەدى نۇرلان بەكبوسىنوۆ.
ەسكە سالايىق، 23 قاڭتاردا جەڭىس كوشەسىندە تۇرعىن ۇيگە بەكىتىلگەن قازاندىقتا ءورت شىقتى. كورشى ۇيدە تۇراتىن ەراسىل مەن قانات سماعۇلوۆتار قارت كورشىلەرگە اۋلالارىن قاردان تازارتۋعا كومەك كورسەتىپ جاتقان بولاتىن. ولار قازاندىقتان شىققان ءتۇتىندى كورىپ، كومەككە ۇمتىلعان. اعايىندىلار ەكى زەينەتكەرگە ۇيدەن شىعۋعا كومەكتەستى، ولاردىڭ ءبىرى – بالداققا سۇيەنگەن قارت. بالالار كيىم-كەشەك پەن قۇجاتتاردى دا شىعارىپ ۇلگەردى. كومەككە كورشىلەرى رۋسلان ءتۇسىپوۆتى شاقىرعان. ءورت سوندىرۋشىلەرگە دە حابار بەرگەن. قۇتقارۋشىلار جەتكەنشە جالىندى قولعا تۇسكەن زاتتارمەن سوندىرۋگە كىرىسكەن.
كەيىن ەكى وقۋشىعا وقۋ-اعارتۋ ءمينيسترى عاني بەيسەمبايەۆ العىس ايتقان بولاتىن.