جاتاقحانا كومەندانتى ستۋدەنتتەردىڭ اتىنان كرەديت العان

كەلتىرىلگەن زالال شامامەن 16 ملن تەڭگەدەن اسادى.

جەتىسۋ وبلىسىندا جاتاقحانا كومەندانتى وزگەلەردىڭ اتىنان 16 ملن تەڭگەدەن استام سوماعا تاۋارلىق نەسيە العان، دەپ حابارلايدى Almaty-akshamy.kz Zakon.kz-كە سىلتەمە جاساپ.

الاياقتىق فاكتىلەرى بويىنشا ارىزدار تالدىقورعان پوليسياسىنا 2022 جىلعى قازان ايىندا تۇسە باستاعان. ءتارتىپ ساقشىلارى قىلمىس جاسادى دەگەن كۇدىكپەن ستۋدەنتتەر تۇراتىن جاتاقحانالاردىڭ ءبىرىنىڭ بۇرىنعى كومەندانتىن ۇستادى.

كومەندانت ايەل ەل بويىنشا ءۇش بانكتە جانە بىرنەشە ميكروكرەديتتىك ۇيىمداردا تاۋار-اقشالاي كرەديتتەردى الاياقتىق جولىمەن رەسىمدەگەن دەگەن كۇدىككە ءىلىندى. پرينتەر، تەلەديدار، كونديسيونەر، ۇيالى تەلەفون، باسقا دا تاۋارلار تۇرىندە العان جانە كەيىن ساتىپ جىبەرگەن.

"بۇگىنگى تاڭدا 18 جابىرلەنۋشى بار، ولاردىڭ نەگىزگى بولىگى – ستۋدەنتتەر. كەلتىرىلگەن زالال شامامەن 16 ملن تەڭگەدەن اسادى. جاقىن ارادا سوتقا جىبەرۋ ءۇشىن ماتەريالداردى دايىندايمىز"، - دەدى تالدىقورعان پوليسيا دەپارتامەنتى باستىعىنىڭ ورىنباسارى شىڭعىس نۇراحيموۆ.

قالالىق پروكۋراتۋرانىڭ ۇيلەستىرۋىمەن قىلمىستىق ءىستى تەرگەۋ امالدارى ق ر قىلمىستىق كودەكستىڭ 190-بابى 4-تارماعىنىڭ 3-بولىگى (الاياقتىق) بويىنشا جۇرگىزىلدى.