تەكسەرۋ ءىس-شارالاردىڭ باسىم بولىگى وبلىستىق ينجەنەرلىك جۇمىستار جوسپارلارى شەڭبەرىندە جۇزەگە اسىرىلاتىنىن انىقتادى.
جوسپارلانعان ءىس-شارالاردىڭ جالپى سانى 1258، ونىڭ ىشىندە 923ء-ى نەمەسە 73%-ى ورىندالدى، دەپ حابارلايدى aqshamnews.kz.
ماسەلەن قورعانىس بوگەتتەرى مەن بىلىكتەرىن سالۋ جانە نىعايتۋ، سۋ بۇرۋ ارنالارى مەن ارىقتاردى ورناتۋ، نوسەر جۇيەسىن سالۋ، سۋ وتكىزۋ قۇرىلىستارىن جايلاستىرۋ جانە اۋىستىرۋ، گتق-نى اعىمداعى جوندەۋ جۇمىستارى جانە باسقا الدىن الۋ ءىس-شارالارى جۇرگىزىلۋدە.
قازىرگى ۋاقىتتا وڭىرلەردە 275،1 كم قورعانىس بوگەتتەرى مەن بىلىكتەرى تۇرعىزىلدى، جوندەلدى جانە نىعايتىلدى، 92،07 كم درەناج جۇيەلەرى جوندەلدى جانە سالىندى، اۆتوموبيل جانە تەمىر جولداردىڭ استىنا 518،65 كم سۋ وتكىزۋ قۇرىلىستارى ورناتىلدى جانە اۋىستىرىلدى، 194،67 كم كانالدار مەن 228،5 كم ارىقتار سالىندى، 38 گتق اعىمداعى جوندەۋ جۇمىستارى جۇزەگە اسىرىلدى. وزەن ارنالارىنىڭ ۋچاسكەلەرىندە 65،6 كم جاعالاۋدى نىعايتۋ، 182،75 كم ءتۇبىن تەرەڭدەتۋ، 111،7 كم تۇزەتۋ، 166،6 كم تازارتۋ جۇمىستارى جۇرگىزىلدى.
قاراعاندى قالاسىندا ۇزىندىعى 17 110 مەتر نوسەر جۇيەسى قالپىنا كەلتىرىلدى، ونىڭ ىشىندە 8420 مەتر جابىق، 8690 مەتر ارىق جۇيەسى. وڭتۇستىك-شىعىس شاعىن اۋدانىنىڭ شەتىندە ۇزىندىعى 2 شاقىرىمنان اساتىن اينالما ارنانى، 529 مەتر نوسەر كوللەكتورلارىن ورناتۋ جانە كىشى بۇقپا وزەنىنىڭ ارناسىن تازارتۋ جۇمىستارى جالعاسۋدا.
«بۇل ءىس-شارالار ەرىگەن قار سۋىنان تۋىنداعان پروبلەمالاردى بارىنشا ازايتۋعا مۇمكىندىك بەرەدى»، - دەپ قاراعاندى وبلىسى تجد باستىعى مارعۇلان امانبايەۆ اتاپ ءوتتى.
جەتىسۋ وبلىسىندا كوكسۋ وزەنىنىڭ ارناسىن جاعالاۋدى نىعايتۋ، ءتۇبىن تەرەڭدەتۋ جانە تۇزەتۋ جۇمىستارى جۇرگىزىلۋدە. بۇل شارالار بالپىق بي جانە قاراتال اۋىلدارىن سۋ باسۋ ءقاۋپىن بولدىرماۋعا، سونداي-اق «الماتى-وسكەمەن» رەسپۋبليكالىق ماڭىزى بار اۆتوجول كوپىرىن جۋۋعا باعىتتالعان.
«بۇل جوبا 2025 جىلعى سۋ تاسقىنى كەزەڭىنە دايىندىقتىڭ ماڭىزدى قادامى بولىپ تابىلادى، ءوڭىردىڭ حالقى مەن ستراتەگيالىق ينفراقۇرىلىمىنىڭ قاۋىپسىزدىگىن قامتاماسىز ەتەدى»، - دەپ جەتىسۋ وبلىسى تجد باستىعى نۇرلان بەكبوسىنوۆ ايتتى.
وسى باعىتتاعى جۇمىس جالعاستىرىلاتىن بولادى.