جاز شىعا سالا، الماتى ماڭىندا سۋعا تۇسۋشىلەردىڭ قاراسى كوبەيگەن.
وسىعان بايلانىستى الماتى وبلىسى تجد سۋداعى قاۋىپسىزدىك تۋرالى ەسكەرتپە جاسادى، دەپ حابارلايدى Almaty-akshamy.kz
الماتى وبلىسى تجد سۋداعى قاۋىپسىزدىك قاعيدالارىن ەسكە سالادى:
- جاعادان الىس، قاۋىپسىزدىك ايماق شەكاراسى بەلگىلەنگەن بۋيكادان اسىپ جۇزۋگە بولمايدى؛
- بەيتانىس جەرلەردە سۋعا تۇسۋگە بولمايدى، سۋ تۇبىندە باتىپ كەتكەن بورەنەلەر، تاستار، كورياگالار بولۋى مۇمكىن؛
- سۋعا قايىقتاردان، كاتەرلەردەن، ايلاقتاردان جانە وسى ماقساتتارعا بەيىمدەلمەگەن باسقا دا قۇرىلىستاردان سەكىرۋگە بولمايدى؛
- شومىلۋ ءۇشىن ارنايى بولىنگەن ورىندى تاڭداۋ قاجەت؛
- كەمەلەرگە (موتورلى، جەلكەندى)، قايىقتارعا، بارجالارعا جاقىن جۇزۋگە بولمايدى؛
- باتپاقتى جەرلەردە جانە بالدىرلار نەمەسە تينا بار جەرلەردە شومىلۋعا بولمايدى؛
- كۇنگە قىزدىرىنعان سوڭ نەمەسە دەنەنى قاتتى سالقىنداتقاننان كەيىن سۋعا تۇسۋگە بولمايدى؛
- كۇن استىندا كوپ جاتۋدان، جۇگىرگەننەن كەيىن، سالقىن سۋعا بىرتىندەپ بەيىمدەلمەستەن تەز سۋعا تۇسۋگە جانە سەكىرۋگە بولمايدى؛
- ماس كۇيىندە سۋعا تۇسۋگە جانە شومىلۋعا قاتاڭ تىيىم سالىنادى؛
- ۇرلەمەلى ماتراستارمەن، اۆتوموبيل كامەراسىمەن، ۇرلەمەلى ويىنشىقتارمەن جۇزبەڭىز، ول قۇرالدىڭ اقاۋى بولۋى مۇمكىن، ءسويتىپ ادام كەنەتتەن سۋ استىنا كەتۋى مۇمكىن، ال بۇل جاقسى جۇزە بىلەتىن ادامداردىڭ ءوزى ءۇشىن دە وتە ءقاۋىپتى. سونىمەن قاتار، ءالسىز جەلدىڭ دە جاعالاۋدان الىس الىپ كەتۋى مۇمكىن.
- ەگەر ءسىزدىڭ بۇلشىق ەتىڭىز تىرىسسا، شالقالاپ جاتىڭىز جانە جاعاعا قاراي ءجۇزىڭىز، بۇل رەتتە بۇگىلگەن بۇلشىقەتتەردى جازىڭىز، ءبىراق ەڭ جاقسىسى – وزىڭىزبەن بىرگە «اعىلشىن» تۇيرەۋىشى بولعانى دۇرىس. ءتىپتى ونىمەن ءبىر رەت شانشۋدىڭ ءوزى ءومىرىڭىزدى قۇتقارۋى مۇمكىن.
وسىنداي ەرەجەلەردى ەسكەرمەگەن الماتىلىق جىگىتتەردى كەشە كەشكىسىن قونايەۆ قالاسى جەدەل-قۇتقارۋ جاساعى قۇتقارىپ قالدى. ولار جاعادان الىس ءجۇزىپ، قۇرلىققا ءوز بەتىنشە جەتە الماي قالعان.
قونايەۆ قالاسى جەدەل-قۇتقارۋ جاساعىنىڭ كۇشىمەن جاستار جاعاعا جەتكىزىلدى. قۇتقارۋ وپەراسياسىنا 4 قۇتقارۋشى جانە 2 ءجۇزۋ قۇرالى جۇمىلدىرىلدى. قۇتقارىلعاندارعا مەديسينالىق كومەك قاجەت ەمەس.