تج ۆيسە-مينيسترى ونلاين-قابىلداۋىندا سۇراقتاردىڭ كوبى ءورت قاۋىپسىزدىگىنە قاتىستى بولدى
بۇگىن توتەنشە جاعدايلار ۆيسە-مينيسترى مارات كۇلدىكوۆ ازاماتتاردى ونلاين قابىلدادى، دەپ حابارلادى Almaty-akshamy.kz. ق ر توتەنشە جاعدايلار مينيسترلىگىنىڭ تاراتقان حابارىنا سىلتەمە جاساپ.
شارا بارىسىندا نۇر-سۇلتان قالاسى مەن الماتى قالالارىنىڭ تۇرعىندارىنان ءبىرقاتار سۇراقتار ءتۇستى. كەلگەن سۇراقتاردىڭ باسىم بولىگى ءورت قاۋىپسىزدىگى ماسەلەسىنە قاتىستى بولدى.
ماسەلەن، الماتى قالاسىنىڭ تۇرعىنى قوعامدىق تاماقتانۋ وبەكتىلەرىن ءورت قاۋىپتىلىكتىڭ جوعارى ساناتىنا قوسۋ جانە مۇلىك يەلەرى بىرلەستىگىنىڭ قاتىسۋىمەن تۇراقتى تەكسەرۋلەردى ەنگىزۋ ماسەلەلەرىمەن جۇگىندى.
ەلورداداعى تۇرعىن ءۇي كەشەندەرىنىڭ ءبىرىنىڭ تۇرعىندارىن ءوز ۇيلەرىندەگى ءورت قاۋىپسىزدىگى ماسەلەسى الاڭداتادى.
قابىلداۋ سوڭىندا ۆيسە-مينيستر تجم جاۋاپتى قىزمەتكەرلەرىنە ءتيىستى تاپسىرمالار بەردى، بارلىق ازاماتتاردىڭ وتىنىشتەرى جاۋاپسىز قالمايتىندىعىن جانە تجم باسشىلىعىنىڭ تۇراقتى باقىلاۋىندا بولاتىنىن ەسكەرتتى.