تج مينيسترلىگىندە اۋا رايىنىڭ ناشارلاۋىنا بايلانىستى جەدەل شتاب قۇرىلدى

"جەدەل جەلى" جۇمىس ىستەيدى.

تجم احۋالدىق ورتالىعىندا جەدەل دەن قويۋ جانە ۆەدومستۆوارالىق ءوزارا ءىس-قيمىلدى ۇيىمداستىرۋ ءۇشىن رەسپۋبليكالىق جەدەل شتاب قۇرىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

شتاب رەسپۋبليكالىق ازاماتتىق قورعاۋ قىزمەتتەرىمەن تىعىز جۇمىس جۇرگىزۋدە. ءبىرقاتار وبلىستاردا دا وسىنداي شتابتار جۇمىس جاساۋدا.

ازاماتتاردىڭ توتەنشە جاعدايلار ماسەلەلەرى بويىنشا جۇگىنۋى ءۇشىن تجم جەدەل جەلىسى جۇمىس ىستەيدى 8 (7172) 53 32 84

بارلىق جابىق جول ۋچاسكەلەرىندە تجد، پد جانە جول قىزمەتى قىزمەتكەرلەرىنەن پوستتار قويىلدى. اۆتوموبيل جولدارىنا (ءدامحانا، قوناق ءۇي) جاقىن ورنالاسقان جىلىتۋ پۋنكتتەرى دايىندالىپ، ىسكە قوسىلدى.

الماتى قالاسىندا، الماتى، اقتوبە جانە قىزىلوردا وبلىستارىندا قاتتى داۋىلدىڭ سالدارىنان شاتىرلار مەن اعاشتار قۇلاعان، سونداي-اق ەلەكتر جارىعى وشكەن. زارداپ شەككەن جانە قايتىس بولعاندار تۋرالى اقپارات تۇسكەن جوق.

«قازاۆتوجول» ۇك» اق دەرەگى بويىنشا، قاتتى بوراننان جولدىڭ كورىنبەۋى سەبەپتى اقمولا، اقتوبە، قاراعاندى، قوستاناي جانە پاۆلودار وبلىستارىنداعى اۆتوجولداردىڭ 45 ۋچاسكەسىندە (24 رەسپۋبليكالىق جانە 21 وبلىستىق ماڭىزى بار) جولدار جابىلدى.