الماتىداعى جەر سىلكىنىسى كەزىندە حابارلامالار تۇرعىندارعا ۋاقىتىندا جەتپەگەن ەدى.
جاڭا نورما بولاشاقتا وسىنداي جاعدايدى بولدىرماۋ ماقساتىندا قابىلدانىپ وتىر، دەپ حابارلايدى Almaty-akshamy.kz
پارلامەنت ءماجىلىسى كەيبىر زاڭنامالىق اكتىلەرگە بايلانىس، سيفرلاندىرۋ جانە اقپاراتتاندىرۋ سالاسىنىڭ ينۆەستيسيالىق احۋالىن ارتتىرۋ ماسەلەلەرى بويىنشا وزگەرىستەر ەنگىزۋ تۋرالى زاڭ جوباسىن ەكىنشى وقىلىمدا قابىلدادى.
زاڭ جوباسىنا سايكەس، بايلانىس وپەراتورلارى ءوز جەلىلەرىندە حابار الماسۋ تەحنولوگياسىن قامتاماسىز ەتۋگە مىندەتتى بولادى. بۇل توتەنشە جاعدايلار كەزىندە جىبەرىلەتىن جەدەل SMS حابارلامالارعا بايلانىستى.
سونداي-اق بايلانىس وپەراتورلارى جەدەل شتابقا ولاردىڭ ءوتىنىشى بويىنشا ءموبيلدى بايلانىس ستانسيالارىن بەرۋگە مىندەتتەلەدى.
"مىسالى، ورمان ءورتى ايماقتارىن كوممۋنيكاسيامەن قامتاماسىز ەتۋ. جالپى العاندا مۇنداي قاجەتتىلىك الەۋمەتتىك، تابيعي نەمەسە تەحنوگەندىك سيپاتتاعى توتەنشە جاعداي ءقاۋپى بولعان كەزدە نەمەسە توتەنشە جاعداي جاريالانعان كەزدە تۋىنداۋى مۇمكىن"، - دەيدى دەپۋتاتتار.
سونداي-اق بايلانىس وپەراتورلارى مۇگەدەكتىگى بار جاندار ءۇشىن جەڭىلدەتىلگەن ۇيالى بايلانىس تاريفتەرىن ەنگىزەدى.