ەربول تىلەشوۆ عىلىم جانە جوعارى ءبىلىم مينيسترلىگى ءتىل ساياساتى كوميتەتىنىڭ ءتوراعاسى قىزمەتىنە تاعايىندالدى، دەپ حابارلايدى اlmaty-akshamy.kz ۇكىمەتتىڭ باسپا ءسوز قىزمەتىنە سىلتەمە جاساپ.
«ق ر عىلىم جانە جوعارى ءبىلىم ءمينيسترىنىڭ بۇيرىعىمەن ەربول ەردەمبەك ۇلى تىلەشوۆ قازاقستان رەسپۋبليكاسى عىلىم جانە جوعارى ءبىلىم مينيسترلىگى ءتىل ساياساتى كوميتەتىنىڭ ءتوراعاسى قىزمەتىنە تاعايىندالدى»، - دەلىنگەن حابارلامادا.
ەربول تىلەشوۆ 1965 جىلى قاراعاندى وبلىسىندا دۇنيەگە كەلگەن. اباي اتىنداعى قازاق ەڭبەك قىزىل تۋ وردەندى پەداگوگيكالىق ۋنيۆەرسيتەتىن بىتىرگەن.
1992-2001 جىلدارى س. سەيفۋللين اتىنداعى اقمولا ۋنيۆەرسيتەتىنىڭ قازاق ادەبيەتى كافەدراسىندا وقىتۋشى، اعا وقىتۋشى بولىپ جۇمىس ىستەگەن.
2001-2002 جىلدارى ل.گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ قازاق ادەبيەتى كافەدراسىنىڭ دوسەنتى قىزمەتىن اتقارعان.
2002-2004 جىلدارى ل.گۋميليەۆ اتىنداعى ەۋرازيا ۋنيۆەرسيتەتى گۋمانيتارلىق ينستيتۋتى ديرەكتورى ورىنباسارىنىڭ مىندەتىن اتقارۋشى، ديرەكتورىنىڭ ورىنباسارى بولدى.
2004-2007 جىلدارى «رەسپۋبليكالىق مەملەكەتتىك ءتىلدى جەدەلدەتىپ وقىتۋ ورتالىعى» رمقك ديرەكتورىنىڭ ورىنباسارى، ديرەكتورى بولىپ جۇمىس ىستەگەن.
2007 جىلدان 2012 جىلعا دەيىن جەكە كوممەرسيالىق قۇرىلىمداردا ەڭبەك ەتكەن.
2012-2015 جىلدارى – استانا قالاسى تىلدەردى دامىتۋ باسقارماسى باستىعىنىڭ مىندەتىن اتقارۋشى، باسشىسى.
2015-2022 جىلدارى – «شايسۇلتان شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى» رمقك ديرەكتورىنىڭ مىندەتىن اتقارۋشى، ديرەكتورى، اتقارۋشى ديرەكتورى.
2022 جىلعى ناۋرىزدان باستاپ قازىرگى ۋاقىتقا دەيىن «شايسۇلتان شاياحمەتوۆ اتىنداعى ۇلتتىق عىلىمي-پراكتيكالىق ورتالىعى» كەاق باس ديرەكتورى قىزمەتىن اتقاردى.