الماتىداعى «تىلەكتەر شىرشاسى»: پرەزيدەنت اتىنان بالالارعا ويىنشىقتار، كىتاپتار مەن ەلەكترونيكا سىيعا تارتىلدى
الماتىدا «تىلەكتەر شىرشاسى» اتتى جاڭا جىلدىق قايىرىمدىلىق اكسياسى ءوتتى. جاڭا جىل قارساڭىندا بالالارعا ق ر پرەزيدەنتى قاسىم-جومارت توقايەۆتىڭ اتىنان سىيلىقتار تابىستالدى. جاڭا جىل قارساڭىندا ق ر پرەزيدەنتىنە الماتى قالاسىنىڭ دارىندى، شىعارماشىلىق، سپورتتىق، تالانتتى بالالارى تىلەكتەرىن جولدادى. سونىمەن قاتار، اكسياعا جەتىم مەن اتا-اناسىنىڭ قامقورلىعىنسىز قالعان بالالار جانە ەرەكشە ءبىلىم بەرۋ قاجەتتىلىگى بار بالالار قاتىستى. اكسيانىڭ باستى ماقساتى – بالالاردى قولداۋ، قۋانىش سىيلاۋ جانە جاڭا جىلدىق سيقىر كورسەتۋ.
قازاقستان رەسپۋبليكاسى پرەزيدەنتىنىڭ اتىنان الماتىلىق بەس بالاعا سىيلىق تابىستالدى.
ولار: № 26 جببم وقۋشىسى نادىربەكوۆا اقنيەت، №2، 9 جببم وقۋشىسى سەمەتوۆ ارتۋر، №208 جببم وقۋشىسى نۇرعالي ءنۇرادىل، №124 جببم وقۋشىسى قىستاۋبايەۆ ءابدىراحمان جانە №4 جببم وقۋشىسى ميرحاليكوۆا ماليكا.
بۇعان قوسا، بارلىق بالاعا پرەزيدەنت اتىنان قۇتتىقتاۋ حاتتارى مەن كامپيتتەر جيىنتىعى بەرىلدى.
ولاردى الماتى قالاسى اكىمىنىڭ ورىنباسارى اسەم ءنۇسىپوۆا تاپسىردى. بالالار iPad Apple، سينتەزاتور، كىتاپتار، LEGO ويىنشىقتارى، تاتتىلەر جيىنتىعىن الدى.
«جاڭا جىل – ءار بالا عاجايىپتى، سيقىردى كۇتەتىن ەرتەگىگە تولى جارقىن مەرەكە. ەل پرەزيدەنتى قاسىم-جومارت كەمەل ۇلى توقايەۆتىڭ باستاماسىمەن ەلىمىزدىڭ بارلىق وڭىرىندە جىل سايىن 9-13 جاس ارالىعىنداعى بالالارعا ارنالعان جاڭا جىلدىق شىرشا مەرەكەسى وتكىزىلەدى.
«بالالار – بۇل ەلىمىزدىڭ بولاشاعى مەن سىزدەردىڭ قابىلەتىڭىزگە قاراماستان، بارلىعىڭىزدى بىردەي جاقسى كورەمىز جانە سىزدەردىڭ زاماناۋي مەكتەپتەردە ساپالى ءبىلىم الۋىڭىزدى، ءبىلىمدى، دەنى ساۋ بالالار بولىپ ءوسۋىڭىزدى، وتانىمىزدى، قازاقستانىمىزدى، قالامىزدى جاقسى كورۋىڭىزدى قالايمىز. ال بۇگىن وسىنداي تاماشا مەرەكەدە ءارقايسىڭىز پرەزيدەنت اتىنان جاڭا جىلدىق سىيلىق الادى. جاڭا جىل سىيلىقتار عانا ەمەس، جاقىندارىڭىزدان قامقورلىق پەن سۇيىسپەنشىلىك تە كورە بەرىڭىزدەر»، - دەدى الماتى قالاسى اكىمىنىڭ ورىنباسارى.
«تىلەكتەر شىرشاسى» - ولارعا شىنىمەن سەنەتىندەر ءۇشىن تاڭعاجايىپ مەرەكە جاساۋعا ارنالعان اكسيا. بۇل رەتتە، ءارقايسىمىز بىرەۋلەرگە قامقورلىق كورسەتىپ، سيقىرشى بولا الامىز!