سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ سۋ ۇنەمدەۋ تاقىرىبىنداعى رەسپۋبليكالىق سۋرەت جانە شىعارمالار بايقاۋىنىڭ جەڭىمپازدارىن ماراپاتتادى.
ۇزدىك جۇمىستاردىڭ اۆتورلارى پلانشەت، كىتاپتار، گراموتا جانە باسقا دا ەستەلىك سىيلىقتار الدى. جەڭىمپاز وقۋشىلاردىڭ مۇعالىمدەرى دە العىس حاتپەن ماراپاتتالدى، دەپ حابارلايدى Almaty-akshamy.kz.
قازاقستاننىڭ بارلىق وڭىرىنەن 1000-نان استام بالا قاتىسقان بايقاۋدا بەس وقۋشى جەڭىمپاز اتاندى.
اتاپ ايتقاندا، 5-10 جاس ارالىعىنداعى ۇمىتكەرلەر اراسىندا «ۇزدىك سۋرەت» نوميناسياسى بويىنشا اقتوبە قالاسىنداعى №19 ورتا مەكتەپتىڭ 4 سىنىپ وقۋشىسى شىنىباي ايزەرە جەڭىمپاز اتاندى. ال، 11-16 جاس ارالىعىنداعى قاتىسۋشىلار اراسىندا پاۆلودار وبلىسى پەسچانوە اۋىلىنداعى ەرەكشە قاجەتتىلىكتەرى بار بالالاردى قولداۋ ورتالىعىنىڭ تاربيەلەنۋشىسى سيتنيكوۆ سەرگەي ۇزدىك بولدى.
اقتوبە قالاسىنداعى ءال-فارابي اتىنداعى №21 مامانداندىرىلعان گيمنازيانىڭ 10 ب سىنىپ وقۋشىسى ماقسات ءاليانىڭ دا سۋرەتى ماراپاتقا يە بولدى.
«ۇزدىك شىعارما» نوميناسياسى بويىنشا استانا قالاسىنىڭ فيزيكا-ماتەماتيكا باعىتىنداعى نزم 9G سىنىبىنىڭ وقۋشىسى نۇرحات ءامينا جانە اتىراۋ وبلىسى قۇرمانعازى اۋدانى م.اۋەزوۆ اتىنداعى جالپى ورتا مەكتەپتىڭ 8 سىنىپ وقۋشىسى بايزۋل گۇلسىم جەڭىمپاز اتاندى.
ماراپاتتاۋ راسىمىنەن كەيىن نۇرجان نۇرجىگىتوۆ بايقاۋ جۇلدەگەرلەرىمەن سۋ رەسۋرستارىن ساقتاۋدىڭ ماڭىزى تۋرالى اڭگىمەلەستى.
«بەلسەندىلىك تانىتىپ، بايقاۋعا قاتىسقان بارلىق ۇمىتكەرلەرگە شىعارماشىلىق ەڭبەكتەرى مەن سۋ ۇنەمدەۋ تاقىرىبىنا قىزىعۋشىلىق بىلدىرگەندەرى ءۇشىن ۇلكەن العىس ايتقىم كەلەدى. بارلىق قاتىسۋشىلارعا ءمينيستردىڭ اتىنان العىس حاتتار تابىستالادى. بۇل ءبىزدىڭ مينيسترلىك ۇيىمداستىرعان العاشقى، ءبىراق سوڭعى بايقاۋ ەمەس. سوندىقتان وقۋشىلاردىڭ ءوز تالانتتارىن كورسەتۋ مۇمكىندىگى ءالى دە بولادى. بايقاۋعا قاتىسۋشىلاردىڭ قابىلەتىن تولىق اشۋعا كومەكتەسكەن، ولارعا قاجەتتى باعىت بەرگەن مۇعالىمدەردى دە ەرەكشە اتاپ وتكىم كەلەدى»،– دەدى ق ر سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.