قازاقستان ۇلتتىق بانكى ەرتەڭ، 26 تامىزدان باستاپ TILASHAR كوللەكسيالىق مونەتالارىنىڭ ساتىلىمعا شىعاتىنىن مالىمدەدى.
ءتىلاشار – ءار وتباسىنىڭ ومىرىندە كورىنىس تاباتىن ەرەكشە وقيعالاردىڭ ءبىرى. بۇرىن بۇل عۇرىپ بالا العاشقى سوزدەردى ايتا باستاعاننان باستاپ جاسالعان. بۇگىنگى تاڭدا بۇل ءداستۇر ءبىلىم الۋ جولىنداعى العاشقى قادامدى بىلدىرەدى.
نومينالى 500 تەڭگەلىك كۇمىستەن، نومينالى 100 تەڭگەلىك مەلحيوردان جانە نومينالى 100 تەڭگەلىك نەيزيلبەردەن جاسالعان TILASHAR مونەتالارى «قازاقستاننىڭ ادەت-عۇرىپتارى، ۇلتتىق ويىندارى» سەرياسىن جالعاستىرادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
مونەتانىڭ نەگىزگى بەتىندە (اۆەرسىندە)، ورتا تۇسىندا ويۋ-ورنەك ۇستىندە قازاقستان رەسپۋبليكاسىنىڭ مەملەكەتتىك ەلتاڭباسى، جيەگىندە QAZAQSTAN RESPÝBLIKASY • REPUBLIC OF KAZAKHSTAN دەگەن جازۋ، تومەنگى جاعىندا مونەتا نومينالىن بىلدىرەتىن ساندار ورنالاسقان.
مونەتالاردىڭ ەكىشى بەتىندە (ريەۆەرسىندە) مەكتەپ اتريبۋتى ەلەمەنتتەرى بار بالالار سۋرەتىنىڭ بەينەسى بەرىلگەن، سونىمەن بىرگە مونەتا جاسالعان مەتالدىڭ سىناماسى مەن ماسساسى، سوعىلعان جىلى كورسەتىلگەن.
كۇمىستەن، مەلحيوردان جانە نەيزيلبەردەن جاسالعان مونەتالاردىڭ بەت جاعى مەن سىرت كەلبەتىندەگى بەينەلەر بىردەي. كۇمىستەن جاسالعان مونەتالار ءتۇرلى-تۇستى ەمال جاعۋ تەحنولوگياسىن قولدانا وتىرىپ جاسالعان، مەلحيوردان جاسالعان مونەتالاردا ينتەرفەرەنسيالىق قۇبىلمالى بەت قاباتىن جاعۋ تەحنولوگياسى قولدانىلعان.
مونەتالار:
- 925/1000 سىنامالى كۇمىستەن، proof ساپامەن جاسالعان نومينالى 500 تەڭگەلىك مونەتانىڭ ماسساسى 24 گرامم، ديامەترى 37 مم، تارالىمى 5 000 دانا؛
- من 25 مەلحيور قوسپاسىنان، brilliant uncirculated ساپاسىمەن جاسالعان نومينالى 100 تەڭگەلىك مونەتانىڭ ماسساسى 15 گرامم، ديامەترى 33 مم، تارالىمى 30 000 دانا؛
- منس 15-20 نەيزيلبەر قوسپاسىنان، brilliant uncirculated ساپاسىمەن جاسالعان نومينالى 100 تەڭگەلىك مونەتانىڭ ماسساسى 11،17 گرامم، ديامەترى 31 مم، تارالىمى 100 000 دانا.
بارلىق مونەتا ناقتى قۇنىنا ساي قازاقستان رەسپۋبليكاسىنىڭ بۇكىل اۋماعىندا تولەمنىڭ بارلىق ءتۇرى بويىنشا قابىلدانا بەرەدى، سونداي-اق قازاقستان رەسپۋبليكاسىنىڭ بارلىق بانكتەرىندەگى بانك شوتتارىندا اۋدارۋعا، ۇساقتاۋعا جانە ايىرباستاۋعا جاتادى.
كۇمىستەن جاسالعان مونەتالار كادەسىي ورامىندا مەملەكەتتىك تىلدە، ورىس جانە اعىلشىن تىلدەرىندە قۇب-تىڭ نومىرلىك ساپا سەرتيفيكاتىمەن شىعارىلادى.
كوللەكسيالىق مونەتالار قازاقستان تەڭگە سارايىندا دايىندالعان. قۇب-تىڭ kazcoins.nationalbank.kz پلاتفورماسىنداعى ينتەرنەت-دۇكەن ارقىلى ساتىلادى.