الاياق بىرنەشە ادامدى سان سوقتىرىپ ۇلگەرگەن.
48 جاستاعى ەر ادام 9 ازاماتتى الداعان، دەپ حابارلايدى Almaty-akshamy.kz Polisia.kz-كە سىلتەمە جاساپ
«ا. ەسىمدى ازامات الماتىدا جوق پاتەرلەردى جالعا بەرگەن. الاياقتىق تۋرالى شاھاردىڭ بىرنەشە تۇرعىنى پوليسياعا حابارلاسقاننان كەيىن بەلگىلى بولدى. بارلىعىنىڭ وقيعاسى بىردەي. پاتەر جالداۋعا تىرىسقان ولار تانىمال ينتەرنەت-سەرۆيستەن حابارلاندىرۋلاردى ىزدەدى. نارىقتاعى باعادان تومەن باعانى كورىپ، حابارلاندىرۋعا تەلەفون سوقتى. “ءۇي يەسىنىڭ” بىردەن-بىر شارتى الدىن الا تولەم بەرۋ نەمەسە تۇرۋ ءۇشىن تولىق سومانى تولەۋ بولدى. كليەنتتەردىڭ كوپتىگىن جانە پاتەرگە ءبىرىنشى بولىپ اقشا تولەگەن ادامعا بەرىلەتىندىگىن ايتىپ ءوز ارەكەتتەرىن نەگىزدەدى. كاسىپكەر ازامات اقشانى العاننان كەيىن بىردەن بايلانىسقا شىعۋىن توقتاتىپ، ۇيالى تەلەفون ءنومىرىن اۋىستىرعان»، – دەيدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
الماتى قالاسى كريمينالدىق پوليسيا باسقارماسى مەن المالى اۋداندىق پوليسيا باسقارماسىنا قاراستى پوليسيا ءبولىمىنىڭ قىزمەتكەرلەرىمەن كۇدىكتى قاماۋعا الىندى. المالى اۋداندىق پوليسيا باسقارماسىندا الاياقتىق دەرەگى بويىنشا قىلمىستىق ءىس تىركەلدى. ءىس جۇرگىزۋ بارىسىندا ونىڭ وسىعان ۇقساس 9 ەپيزودقا قاتىسى بار ەكەندىگى انىقتالدى. كەلتىرىلگەن شىعىننىڭ جالپى سوماسى 530 مىڭ تەڭگەنى قۇرايدى.
«تەرگەۋ كەزەڭىندە ۇستالعان ادامعا قاتىستى قاماۋعا الۋ تۇرىندەگى بۇلتارتپاۋ شاراسى تاڭدالدى، ول ۋاقىتشا ۇستاۋ يزولياتورىنا قامالدى. قوسىمشا تەرگەۋ شارالارى جۇرگىزىلۋدە»، – دەدى قۋاتبەك ناۋاتوۆ.