الماتى قالاسى ءبىلىم باسقارماسىنا قاراستى تۇركسىب اۋدانىنداعى №71 مەكتەپ – ليسەيدە قازاق ءتىلى مەن ادەبيەتى ءپانى بىرلەستىگىنىڭ «قازاق ءتىلى – بولاشاقتىڭ تۇعىرى» اتتى ونكۇندىگى سالتاناتتى تۇردە اشىلدى.
شارانىڭ اشىلۋ سالتاناتىندا العاش بولىپ ءسوز العان ليسەي ديرەكتورى اليام ايتاحۋنوۆا اقجارما تىلەگىن ءبىلدىرىپ، شارانىڭ ءساتتى وتۋىنە تىلەكتەستىك ءبىلدىردى. ونكۇندىكتى اشىلۋ سالتاناتىنا مەكتەپ ۇجىمىنىڭ ۇلتتىق كيىم كەلۋى ەرەكشەلەپ تۇردى.
دۇيسەنبى كۇنى تاڭنان ليسەي قىزمەتكەرلەرى مەن وقۋشىلارى ءان – كۇي ورىنداپ، كوپشىلىكتىڭ كوڭىل كۇيىن كوتەردى. مۇنان كەيىن مادەني ءىس-شارا قارلىعاش شالگينبايەۆا مەن زۋلفيرا ياكۋپوۆالاردىڭ ۇيىمداستىرۋمەن «جىلى لەبىز»، «ماقالدىڭ جالعاسىن تاپ» اتتى ايدارلارىمەن ءوز جالعاسىن تاپتى. وسى ونكۇندىكتىڭ اشىلۋ سالتاناتىنا ماقالدىڭ جالعاسىن تاۋىپ، جاقسى تىلەكتەرىن ايتىپ اتسالىسىپ قاتىسقان وقۋشىلار مەن ليسەي قىزمەتكەرلەرىنە باۋىرساق تاراتتى.
قازاق ءتىلى مەن ادەبيەت ءپانى بىرلەستىگىنىڭ ونكۇندىگى 11 ناۋرىزدان 18 ناۋرىزعا دەيىن جالعاستى. وسى ارالىقتا جالعاسىن تاباتىن ءىس – شارانىڭ جۇرگىزىلۋىنە قازاق ءتىلى مەن ادەبيەت ءپانىنىڭ مۇعالىمدەرى ءبىر كىسىدەي ۇيىمشىلدىق تانىتا ءبىلدى.
ونكۇندىكتىڭ وتكىزىلۋى بارىسىندا ق.شالعىنبايەۆا، ل.مۇسابەكوۆا، ز.ياكۋپوۆا، ن.بولىسبەكوۆا، ە.ساگييەۆا، ن.جۋاسپايەۆا، م.بۋرابايەۆا، ع.كاسىموۆا، س.امينوۆا سىندى ۇستازدار اشىق ساباقتار وتكىزدى.
قازاقتىڭ ۇلتتىق كيىمىن ۇلىقتاپ، ءسالت-داستۇرىن، مادەني قۇندىلىقتارىن ناسيحاتتاپ، ۇستازدار مەن وقۋشىلار قازاق حالقىنىڭ ۇلتتىق كيىمدەرىن كيىپ كوپشىلىكتىڭ كوز قۋانىشىنا اينالدى.
وقۋشىلارىمىزعا، جاستارىمىزعا تاربيە باستاۋى – سالت–ءداستۇرىمىز، ۇلتتىق كيىمدەرىمىز، ۇلتتىق قۇندىلىقتارىمىز ەكەندىگىن ناسيحاتتاي ءجۇرىپ جەرىن، ەلىن سۇيەتىن، وتانىن سۇيەتىن پاتريوت بولۋعا ىنتالاندىرىپ، رۋحىن كوتەرەتىن ءار اشىق ساباعىمىز، ساباقتان تىس تاربيە ساعاتىمىز ءارقايسىنىڭ «تاۋەلسىز قازاقستاننىڭ ازاماتىمىن!» - دەگەن ماقتانىش سەزىمىن وياتارى ءسوزسىز.
مەملەكەتتىك ءتىلدى جانداندىرىپ، ابىرويىن كوتەرۋىمىز كەرەك، ول ءاربىر ازاماتتىڭ مىندەتى. «مەملەكەتتىك ءتىل – مەنىڭ ءتىلىم» – دەپ ءارقايسىمىز ماقتان تۇتىپ، قۇرمەتتەۋىمىز كەرەك، ءتىلدى ساقتاۋ - قازاق حالقىنىڭ وتكەنى مەن بولاشاعىن ءبىلۋ، ساقتاۋ. ءبىزدىڭ مىندەتىمىز ءتىلىمىزدى ساقتاپ، وسى تىلدە ساۋاتتى جازىپ، ويىمىزدى قازاق تىلىندە تازا جەتكىزە ءبىلۋ، مەملەكەتتىك ءتىلىمىزدى ارداقتاپ قۇرمەتتەۋ. وسكەلەڭ ۇرپاقتى «ءتىل- مەملەكەتىمىزدىڭ تۇعىرلى تىرەگى، حالىقىمىزدىڭ رۋحاني بايلىعى» دەپ تاربيەلەۋىمىز كەرەك — دەدى 71 مەكتەپ ليسەي ديرەكتورى اليام ايتاحۋنوۆا.
وسى رەتتە ايتا كەتۋ كەرەك، اليام اركينوۆنانىڭ ءوزى اسا كوڭىل ءبولىپ وتىرعان، داستۇرگە اينالعان ءىس – شارا ليسەيدە «جۇمادا مەملەكەتتىك تىلدە سويلەيمىز» اتتى يگى ءداستۇردى قالىپتاستىرۋى كوڭىل قۋانتادى.
بۇل كۇندەرى قازاق ءتىلى مەن ادەبيەت ءپانى بىرلەستىك مۇعالىمدەرىنىڭ ۇيىمداستىرۋىمەن ليسەي قىزمەتكەرلەرىن، وقۋشىلاردى مەملەكەتتىك تىلدە سويلەۋگە ىنتالالاندىراتىن ءىس شارالار وتكىزىلىپ وتىرادى.
شاكىرتتەرىنىڭ بويىنا مەملەكەتتىك تىلگە دەگەن سۇيىسپەنشىلىكتى قالىپتاستىرۋعا، قازاق تىلىندە اۋىزشا، جازباشا سوزدىك قورلارىن مولايتۋعا، شىعارماشىلىق قابىلەتىن دامىتۋعا، پانگە دەگەن قىزىعۋشىلىعىن ارتتىرىپ، باسەكەگە قابىلەتتى ۇرپاق تاربيەلەۋدە ليسەي ۇستازدارىنىڭ ەڭبەگى زور.