مورەنالىق-مۇزدىق كەشەندەردىڭ، مورەنالىق كولدەردىڭ، قار كوشكىنى جانە كوشكىن ءقاۋپى بار ايماقتاردىڭ جاعدايىن باقىلاۋ ماقساتىندا، جەتىسۋ وبلىسى تجد قىزمەتكەرلەرى «قازسەلدەنقورعاۋ» مم ماماندارىمەن بىرلەسە وتىرىپ، قورا، شاجا، كوكتال، كوكسۋ، وسەك، تىشقان، قورعاس، اقسۋ، بۇيەن، باسقان، سارقان جانە لەپسى وزەندەرى باسسەيندەرىندە اەروۆيزۋالدى تەكسەرۋ جۇمىستارىن جۇرگىزدى.
تەكسەرىس بارىسىندا، بيىك تاۋلى ايماقتاردا وزەن ارنالارىنىڭ جاعالارىنا وزدىگىنەن قار كوشكىنىنىڭ تۇسكەنى انىقتالدى، ءبىراق وزەن ارنالارىنىڭ بىتەلۋى بايقالمادى. وزەن سۋلارى ەركىن، كەپتەلىسسىز اعۋدا.
وزەن ارنالارىنىڭ بويىنداعى بەتكەيلەردە كوشكىن قۇبىلىستارى انىقتالمادى. مورەنالىق كولدەر قىسقى رەجيمدە. قار جامىلعىسى تەڭىز دەڭگەيىنەن 2000 مەتر بيىكتىكتە 50 سم-گە دەيىن، 3000 مەتر جانە ودان دا كوپ بيىكتىكتە 100-دەن 150 سم-گە دەيىن جەتەدى.
جالپى، جەتىسۋ وبلىسىنىڭ تاۋلى ايماقتارىندا جاعداي تۇراقتى، الايدا اۋا تەمپەراتۋراسىنىڭ كوتەرىلۋىنە بايلانىستى قار كوشكىنى ءقاۋپى ساقتالۋدا.