تجم قۇتقارۋشىلارى تۇرعىندار اراسىندا پروفيلاكتيكالىق جۇمىس جۇرگىزۋدە
ۇستىمىزدەگى جىلدىڭ 28 اقپاندا ازاماتتىق قورعانىس جانە اسكەري بولىمدەر كوميتەتى ءتوراعاسىنىڭ م.ا. ك.ا.تۇرسىنبايەۆتىڭ.، تج مينيسترلىگىنىڭ توتەنشە جاعدايلاردىڭ الدىن الۋ جانە جويۋ دەپارتامەنتتەرىنىڭ باستىقتارى، الماتى قالاسى تجد باستىعى ن.ب.اتىعايەۆتىڭ باسشىلىعىمەن 120-دان استام قىزمەتكەرگە، ونىڭ ىشىندە تجم 28237 اسكەري ءبولىمى اسكەري ءبولىم قۇتقارۋشىلارىنا تجم ازاماتتىق قورعاۋ سالاسىنداعى ۇلتتىق عىلىمي زەرتتەۋلەر، دايارلاۋ جانە وقىتۋ ورتالىعىنىڭ وقىتۋشىلارىمەن نۇسقاۋلىق وتكىزىلدى.
ءارى قاراي قۇتقارۋشىلار الماتى قالاسىنىڭ بارلىق اۋدانىنداعى كوپقاباتتى ۇيلەردەگى تۇرعىنداردى ۇگىت-ناسيحاتپەن قامتۋ ءۇشىن 8 توپقا ءبولىندى.
پروفيلاكتيكالىق ءىس-شارانىڭ ماقساتى – حالىقتىڭ ەكسترەمالدى جاعدايلاردا ىس-ارەكەتكە دايىندىق دەڭگەيىن ارتتىرۋ، سونداي-اق جەر سىلكىنىسى كەزىندەگى ءبىرىنشى كەزەكتەگى ىس-ارەكەتتەر تۋرالى اقپارات بەرۋ ءۇشىن ازاماتتاردى بارىنشا قامتۋ.
ايتا كەتۋ ءجون، قالادا ازاماتتىق قورعاۋ قىزمەتكەرلەرىنىڭ كوبەيۋىنە بايلانىستى كەيبىر تۇرعىنداردان الاڭداۋشىلىق تۋدىردى: پيك، ميۇ ۆاتساپ چاتتارىندا، تابيعي اپاتپەن بايلانىستىراتىن سۇراقتار تۇسە باستادى. الايدا، قۇتقارۋشىلار – الاڭداۋعا نەگىز جوق! بۇل كوپ قاباتتى ۇيلەردەگى ارالاۋ-الدىن الۋ جۇمىستاردىڭ كۇشەيتىلۋى، دەپ تۇسىندىرەدى.
مامانداردىڭ ايتۋىنشا، كوپقاباتتى ۇيلەردەگى قاۋىپسىزدىك تەك مەملەكەتتىك ورگاندارعا عانا ەمەس، بارلىق قاجەتتى ەرەجەلەردى ساقتاۋعا ءتيىس تۇرعىنداردىڭ وزدەرىنە دە بايلانىستى.
حالىقتىڭ قاۋىپسىزدىك مادەنيەتىن ارتتىرۋ بويىنشا جۇمىستار جالعاسۋدا. ەستەرىڭىزگە سالا كەتەيىك، توتەنشە جاعدايلار ءمينيسترى وكىمىمەن تجم جەدەل توبى مەگاپوليس تۇرعىندارى اراسىندا اۋقىمدى ۇگىت-ناسيحات جۇمىستارىن باستادى.