اسا ءىرى كولەمدە كىرىس العاندارى دالەلدەندى
قما قالالىق دەپارتامەنتى الەۋمەتتىك جەلىدە زاڭسىز ويىن بيزنەسىن ۇيىمداستىرۋشىلاردىڭ ارەكەتىن توقتاتقانىن مالىمدەدى، دەپ حابارلايدى Almaty-akshamy.kz.
الماتى تۇرعىندارى TikTok الەۋمەتتىك جەلىسىندە اقشانى الۋ جانە ۇتىستاردى بانك اۋدارىمدارى ارقىلى بەرۋمەن ونلاين قۇمار ويىنداردى ۇيىمداستىرعان.
تەرگەۋ بارىسىندا ازاماتتاردىڭ الەۋمەتتىك جەلىلەردە 4 اي ىشىندە زاڭسىز ويىن بيزنەسىن ۇيىمداستىرىپ، 13 ميلليون تەڭگەگە جۋىق سوماعا اسا ءىرى كولەمدە كىرىس العانى دالەلدەنگەن.
«الماتى قالاسىنىڭ ەكى تۇرعىنى كىنالى دەپ تانىلىپ، 1،5 جىلعا باس بوستاندىعىنان ايىرىلدى. سونىمەن قاتار، سوت زاڭسىز ويىن بيزنەسى سالاسىندا اسا ءىرى كولەمدە كىرىس الۋ ارقىلى وسىعان ۇقساس قۇقىقبۇزۋشىلىق جاساعان 4 تۇلعاعا قاتىستى ءىستى قاراۋدا»، - دەلىنگەن حابارلامادا.
الەۋمەتتىك جەلىلەردە قۇمار ويىندار ۇيىمداستىرۋ زاڭسىز جانە ق ر «ويىن بيزنەسى تۋرالى» زاڭىنىڭ نورمالارىنا قايشى كەلەدى.