الماتى اكىمى ەربولات دوسايەۆتىڭ حالىقپەن كەزەكتى كەزدەسۋى تۇركسىب اۋدانىندا ءوتتى. قالا باسشىسى اۋداننىڭ دامۋى جانە تۇرعىنداردان تۇسكەن ۇسىنىستار بويىنشا اتقارىلعان جۇمىستار تۋرالى ايتىپ بەردى. كەزدەسۋگە 200-دەن استام ادام كەلدى، - دەپ حابارلايدى almaty-akshamy.kz
اۋداندا كوممۋنالدىق ينفراقۇرىلىم، اتاپ ايتقاندا ينجەنەرلىك جەلىلەردى جاڭعىرتۋ وزەكتى ماسەلە بولىپ قالا بەرەدى. وتكەن جىلى 100 شاقىرىمنان استام سۋمەن جابدىقتاۋ جانە سۋ بۇرۋ جەلىلەرى سالىنىپ، قالپىنا كەلتىرىلدى. قالعان 47 كم جەلى بويىنشا جۇمىستار اعىمداعى جىلى اياقتالادى، بۇل 6 مىڭنان استام ابونەنتتى ساپالى سۋمەن جانە كارىزبەن قامتاماسىز ەتەدى.
بۇدان باسقا،بيىل جاس قانات شاعىن اۋدانىندا 3 كارىز-سورعى ستانسياسىن ورناتۋ اياقتالىپ، 64 كم قۇرىلىس جۇمىستارى باستالادى جانە 1،5 مىڭ ۇيگە سۋ قۇبىرى مەن كارىز جەلىلەرى تارتىلاتىن (اۆياتور، المەرەك، ماياك شاعىن اۋداندارى) بولادى. اۋداننىڭ ەلەكتر جەلىلەرى دە رەتكە كەلتىرىلۋدە. وتكەن جىلى 24 شاقىرىم جاڭا ەلەكتر جەلىلەرى سالىنىپ، 13 ترانسفورماتورلىق قوسالقى ستانسيا قايتا جاڭارتىلدى. جىل سوڭىنا دەيىن المەرەك، نۇرشاشقان جانە شۋاقتى شاعىن اۋداندارىندا ەلەكتر جەلىلەرىن جاڭعىرتۋ اياقتالادى، تۇزدىباستاۋ قوسالقى ستانسياسى پايدالانۋعا بەرىلەدى.
الماتى اكىمى قاۋىپسىزدىك ماسەلەلەرىنە، ونىڭ ىشىندە اۋداننىڭ كوشە جارىعىنا ەرەكشە نازار اۋداردى. ۇزىندىعى 7،5 كم ماگيسترالدىق كوشەلەر بويىنشا سىرتقى جارىقتاندىرۋ جەلىلەرىن جاڭعىرتۋ ناۋرىز ايىندا اياقتالدى. اۋداننىڭ جارتىلاي جارىقتاندىرىلماعان 100 كوشەسىنىڭ 61ء-ى جارىققا قوسىلدى، قالعان جۇمىستار ءساۋىر ايىندا اياقتالادى. بۇدان باسقا، تاعى 80 ۋچاسكە بويىنشا سىرتقى جارىقتاندىرۋ جەلىلەرىن سالۋعا جسق ازىرلەنەتىن بولادى.
2023 جىلدىڭ ءى توقسانىنىڭ سوڭىنا دەيىن 700-گە جۋىق جاڭا بەينەكامەرا جانە قوسىمشا 96 «سەرگەك» اپپاراتتىق كەشەنى ورناتىلاتىن مەكەنجايلار ءتىزىمى دايىندالادى.
اۋداننىڭ الەۋمەتتىك ينفراقۇرىلىم ماسەلەلەرى دە قالانىڭ دامۋىندا ەرەكشە ورىن الادى. وقۋشى ورىندارىنىڭ تاپشىلىعىن ازايتۋ ءۇشىن وتكەن جىلى 1500 ورىندىق №211 مەملەكەتتىك مەكتەپ-گيمنازيا سالىندى. «جايلى مەكتەپ» ۇلتتىق جوباسىن ىسكە اسىرۋ اياسىندا 6400 وقۋشىعا ارنالعان 4 مەكتەپ سالۋ قاراستىرىلعان. № 70 ارنايى بوبەكجاي عيماراتىن سەيسميكالىق كۇشەيتۋ جۇمىستارى اياقتالۋدا، اعىمداعى جىلدىڭ سوڭىنا دەيىن قايرات شاعىن اۋدانىندا 260 ورىندىق مەملەكەتتىك بالاباقشانىڭ قۇرىلىسى اياقتالادى.
ساپالى مەديسينالىق قىزمەت كورسەتۋدىڭ قادامدىق قولجەتىمدىلىگىن قامتاماسىز ەتۋ ءۇشىن كۇزدە نۇرشاشقان شاعىن اۋدانىندا 100 كەلۋشىگە ارنالعان دارىگەرلىك امبۋلاتوريانىڭ قۇرىلىسىن اياقتاۋ جوسپارلانۋدا.
ەكىنشى توقساندا ايباسوۆ كوشەسى بويىندا 200 كەلۋشىگە ارنالعان دارىگەرلىك امبۋلاتوريانىڭ قۇرىلىسى باستالادى. قايرات شاعىن اۋدانىندا 340 كەلۋشىگە ارنالعان ەمحانا قۇرىلىسى بويىنشا جسق ازىرلەۋدى اياقتاۋ اعىمداعى جىلدىڭ ماۋسىم ايىنا جوسپارلانعان.
اۋدان تۇرعىندارى ءۇشىن الەۋمەتتىك جانە سپورتتىق باعىتتاعى نىساندار پايدا بولادى. جىلدىڭ ەكىنشى جارتىسىندا جاس قانات شاعىن اۋدانىندا زاماناۋي دەنەشىنىقتىرۋ-ساۋىقتىرۋ كەشەنى، سونداي-اق الەۋمەتتىك نىساندار ورتالىعى اشىلادى.
قالا اكىمدىگىنىڭ ەرەكشە باقىلاۋىندا جولداردىڭ ساپاسى جانە اۋدان تۇرعىندارى ءۇشىن قولايلى قالالىق ورتا قۇرۋ ماسەلەسى تۇر. وتكەن جىلى 13 كم جولعا ورتاشا جوندەۋ جۇرگىزىلدى، ال اعىمداعى جىلى16 مىڭ شارشى مەتر جول جوندەلدى، 9 كم تروتۋار سالىندى. اعىمداعى جىلى ماگيسترالدىق كوشەلەردە 24 كم جولدى ورتاشا جوندەۋ جانە 20 مىڭ شارشى مەتردەن استام جولدى اعىمداعى جوندەۋ جوسپارلانعان.
ۇنەمى سۋ باسۋعا بەيىم 10 ۋچاسكەنىڭ 8ء-ى جويىلدى. قالعان 2 ۋچاسكەدەگى جۇمىستار ءساۋىر ايىنىڭ سوڭىنا دەيىن اياقتالادى، ال جىل سوڭىنا دەيىن ۇزىندىعى 41 كم 57 ۋچاسكەدە ارىق جەلىلەرى مەن نوسەر كارىزدەرىن سالۋ جانە رەكونسترۋكسيالاۋ جۇمىستارى اياقتالادى.
جاربۇلاق وزەنىنىڭ ارناسىن كەڭەيتۋ جانە تەرەڭدەتۋ بويىنشا جۇمىستار جۇرگىزىلدى، ۇزىندىعى 6،7 كم ىرگەلەس اۋماقتار اباتتاندىرىلدى، «اسپان» ۇلكەن ساياباعى، «ماياك» توعايى اباتتاندىرىلدى.
«حالىق قاتىساتىن بيۋدجەت» باعدارلاماسى بويىنشا اعىمداعى جىلى 91 جوبانى ىسكە اسىرۋ جوسپارلانۋدا. الماتى اكىمىنىڭ تاپسىرماسى بويىنشا حقب جوباسىن ىسكە اسىرۋعا بيىل قالانىڭ بارلىق اۋداندارىنا قوسىمشا 7 ملرد تەڭگە ءبولىندى، ونىڭ ىشىندە تۇركسىب اۋدانىنا 875 ملن تەڭگە.