وقۋ-اعارتۋ مينيسترلىگىنىڭ قولداۋىمەن TikTok قىسقا بەينەروليكتەردى ازىرلەۋگە ارنالعان جەتەكشى پلاتفورما #قازاقستانمۇعالىمدەرى نەمەسە #ۋچيتەلياكازاحستانا حەشتەگىمەن بايقاۋ جاريالايدى.
بايقاۋ ءۇشىنشى جىل قاتارىنان وتۋدە، وعان مەكتەپ مۇعالىمدەرى دە، كوللەدجدەر مەن جوعارى وقۋ ورىندارىنىڭ وقىتۋشىلارى دا قاتىسا الادى، دەپ حابارلايدى aqshamnews.kz وقۋ-اعارتۋ مينيسترلىگىنە سىلتەمە جاساپ.
اتالعان باستاما ەلىمىزدىڭ پەداگوگتەرىن پلاتفورما اۋديتورياسىمەن ءوز تاجىريبەلەرىمەن بولىسۋگە مۇمكىندىك بەرەدى. وتكەن جىلدارداعى بايقاۋ جەڭىمپازدارى بوتاگوز وماروۆا، يگور گنويەۆا، حايدار مىرزاحمەتوۆ ءوز بەينەروليكتەرى ارقىلى ميلليونداعان لايك جيناپ، الەۋمەتتىك جەلى قولدانۋشىلارىنىڭ ىقىلاسىنا بولەنگەن ەدى.
«بايقاۋ ارقىلى مەن ءبىلىم بەرۋ مازمۇنىن قۇرۋدىڭ جاڭا تاسىلدەرىن تابۋعا جانە ءوز ءبىلىمىمدى بولىسۋگە ۇيرەندىم. بۇل ماعان ءداستۇرلى وقىتۋ شەڭبەرىنەن شىعىپ، وقۋشىلارعا كۇردەلى تاقىرىپتاردى تۇسىنىكتى جانە قىزىقتى جەتكىزۋدىڭ جولىن تابۋعا مۇمكىندىك بەردى. وقۋشىلارىمنىڭ فيزيكانى تالقىلاپ، ءوز ويلارىمەن ءبولىسىپ، ءتىپتى ەكسپەريمەنت ءۇشىن جاڭا يدەيالار ويلاپ تاۋىپ جاتقانىن كورۋ مەن ءۇشىن ەرەكشە قۋانىش بولدى»، — دەيدى 2023 جىلعى بايقاۋدىڭ جەڭىمپازى، فيزيكا ءپانىنىڭ ءمۇعالىمى حايدار مىرزاحمەتوۆ.
بايقاۋعا TikTok-تا تانىمدىق كونتەنت جاسايتىن نەمەسە ونى باستاعىسى كەلەتىن مەكتەپ مۇعالىمدەرى مەن كوللەدجدەر، جوعارى وقۋ ورىندارىنىڭ وقىتۋشىلارى قاتىسادى قاتىسۋشىلار 4 قاراشا - 3 جەلتوقسان ارالىعىندا پلاتفورمادا ءوز ءپانى بويىنشا قىسقا تانىمدىق بەينەروليكتەر جاريالاۋى قاجەت. روليكتەردىڭ ۇزاقتىعى كەمىندە 30 سەكۋند جانە #قازاقستانمۇعالىمدەرى حەشتەگىنىڭ كورسەتىلۋى ماڭىزدى.
بيىلعى جىلى ۇلتتىق بايقاۋدىڭ ءۇش جەڭىمپازى بولادى. ولار كريتەرييلەر جيىنتىعى نەگىزىندە، سونىڭ ىشىندە لايك، قارالىم سانى، بەينەروليك ساپاسى جانە وقىتىلاتىن پانگە سايكەستىگى نەگىزىندە باعالانادى.
بايقاۋ جەڭىمپازدارى iPhone 16 Pro سمارتفوندارىنا يە بولادى، بۇل ولارعا ودان دا جاقسى بەينەكونتەنت جاساۋعا كومەكتەسەدى.
تولىق ەرەجەلەر TikTok قوسىمشاسىندا https://activity.tiktok.com قولجەتىمدى.