وتكەن جىلى ەڭ كوپ قولدانىلعان سەرۆيس Google بولعان.
Cloudflare امەريكالىق كومپانياسىنىڭ مالىمەتتەرى بويىنشا، TikTok قىسقا بەينە ءبولىسۋ قىزمەتى وتكەن جىلعى كوشباسشى بولعان Google-دى (Alphabet Inc حولدينگىنە قاراستى) باسىپ وزىپ، 2021 جىلى الەمدەگى جۇرت ەڭ كوپ كىرەتىن ينتەرنەت-دومەن بولدى، دەپ حابارلايدى Almaty-akshamy.kz
Cloudflare بلوگىنداعى حابارلاماعا سايكەس، TikTok العاش رەت 17 اقپاندا ءبىرىنشى ورىنعا شىقتى جانە 10 تامىزدان بەرى كورۋشىلەر سانى بويىنشا Google-دى ۇنەمى باسىپ وزىپ كەلگەن.
قىتايلىق ByteDance Ltd كومپانياسىنا تيەسىلى TikTok بۇعان دەيىن اي سايىنعى بەلسەندى قولدانۋشىسىنىڭ سانى ميللياردتان اسقانىن حابارلاعان بولاتىن.
ءوتىپ بارا جاتقان جىلدىڭ قولدانۋشىلار ەڭ كوپ كىرگەن دومەندەرى (ۆەب-سايتتار مەن قوسىمشالاردى قوسا العاندا) تىزىمىندە ءۇشىنشى ورىندى Facebook الەۋمەتتىك جەلىسى، ءتورتىنشى ورىندى – Microsoft، بەسىنشى ورىندى – Apple يەلەندى. ۇزدىك وندىققا سونىمەن قاتار Amazon، Netflix، YouTube، Twitter مەن WhatsApp كىرەدى.