...ءىسى – اي مەن كۇندەي!
قازاقتا «جاقسىنىڭ جاقسىلىعىن ايت، نۇرى تاسسىن، جاماننىڭ جاماندىعىن ايت، قۇتى قاشسىن» دەپ تامسىلدەگەن. قانداي عاجاب فيلوسوفيالىق ءسوز. كونەنىڭ كوزى، بۇرىنعى قاريالارى وسى ءسوزدىڭ استارىن جەتە تۇسىنگەن. قادىرىنە جەتكەن.
ەل ىشىندە «جاقسىمەن وتكەن ءبىر ءساتىڭ، ناشاردىڭ ءوتىپ كەتكەن ومىرىندەي» دەپتى. الەم ءاردايىم مەيىرىمدى كۇتەدى. شۋاق بولىپ شاشىلىپ، جاۋقازىن رەتىندە اشىلىپ جۇرگەن جاندى كوپشىلىك سۇيەدى. بىلاي قاراپ تۇرعاندا، قىسقا عانا عۇمىردا ءسىز، ءبىز دەسىپ جۇرگەنگە نە جەتسىن؟!
جاھان جاقسىلىقتى قالاي تۇسىنەدى؟ اسىرەسە، شىعىس حالىقتارى جاپونيا، وڭتۇستىك كورەيا، جۇڭگو، سينگاپۋردا ەموسياعا اسا زەر سالادى. سول كوڭىل-كۇي ارقىلى ءبىراز نارسەگە ەرەكشە ماڭىز بەرەدى. ءوزى قاتىناسىپ وتىرعان ورتاسىنداعى جانداردىڭ ىسكە قابىلەتتىلىگىن ارتتىرۋعا اسا دەن قويادى. ولار نەگە وسى قادامعا بارادى؟ ويتكەنى، ادامزات بالاسى جاراتىلعان كەزەڭنەن باستاپ، كوڭىلدىڭ ق ۇلى ەكەنىن زەرتتەپ، دالەلدەگەن. سوندىقتان ساپالى ناتيجەگە قول جەتكىزۋ ءۇشىن، ساپالى جاعدايدى قامتاماسىز ەتەدى. مىنە، سوندا عانا تابىسقا، مول قاراجاتقا كەنەلەتىنىن ۇعىنعان. ءبىر قاراعاندا قاراپايىم زات. دەسە دە، وسىنىڭ وزىندە ۇلكەن پايدالى دۇنيەلەر بار.
ادام كاپيتالى. سوڭعى ۋاقىتتا مەنەدجمەنت، ەكونوميكا، قارجى سەكتورىندا وسى تەرمين كەڭ اۋقىمدا پايدالانىلىپ ءجۇر. ەگەر دە مامان جاقسى ناتيجە كورسەتسە، ونى كورەدى، تانيدى، قولدايدى. ودان كەيىن ول ادام كەز كەلگەن شارۋانى دوڭگەلەتۋگە داعدىلانادى. سوسيولوگيا تىلىمەن بايانداعاندا، ىنتالى جاننىڭ بويىندا مىناداي قاسيەتتەر كورىنەدى. ولار:
* العىرلىق؛
* قاعىلەزدىك؛
* ءتىل العىشتىق.
اگاراكي، وسى قاسيەتتەردى ءبىر ارناعا ءتۇسىرىپ پ ايدالانساڭىز، پايداعا كەنەلەرىڭىز ءسوزسىز. پسيحولوگيا ىلىمىندە «ادام بويىندا ەكى يگى قاسيەت بولۋ كەرەك ەكەن. ءبىرنشىسى - قيالداي الۋ، ەكىنشىسى - سونى حاتقا ءتۇسىرىپ، شيمايلاي ءبىلۋ». اتالعان ويلاردى ۇتىمدى پايدالانساڭىز، ءىس ىلگەرى جىلجيتىنى اقيقات.
توپشىلاۋ. اسپان استى ەلىنىڭ ويشىلى لاو سزى «ادامداردىڭ زاڭى: جاقسىلىق قۇرۋ جانە ۇرىس داۋ دامايدان اۋلاق بولۋ» دەپ ماعىنالى وي قالدىرىپتى. جوعارىداعى پايىمداۋلار، سارالاۋلاردىڭ ءبارىن تۇيىستىرگەندە، وسىعان ۇيىسادى. ەڭ نەگىزگىسى، جاقسى كىسى بولسا، كەز كەلگەن سالانى ۇرشىقتاي ۇيىرەرىن تاعدىر سان مارتە دالەلدەگەن.