TikTok پلاتفورماداعى قاۋىپسىزدىكتى قولداۋ ماقساتىندا قاۋىمداستىق ەرەجەسىن بۇزاتىن قازاق تىلىندەگى قولجەتىمدى كونتەنتتى انىقتاپ، شارا قابىلداعان، دەپ حابارلايدى اlmaty-akshamy.kz.
قازىرگى تاڭدا الەم بويىنشا TikTok-تا قولدانۋشىلاردىڭ قاۋىپسىزدىگىنە قىزمەت ەتەتىن، كوپتەگەن تىلدەردى بىلەتىن 40 مىڭنان استام ادام جۇمىس ىستەپ وتىر، ونىڭ ىشىندە قازاق ءتىلدى ماماندار دا بار.
TikTok قاۋىپسىزدىكتى قولداۋ جونىندەگى ءوز ارەكەتىنىڭ اشىقتىقتىعىن قامتاماسىز ەتە وتىرىپ، جويىلعان بەينەروليكتەر مەن ەسەپتىك جازبالار تۋرالى اقپاراتتى ۇدايى جاريالايدى. بۇل اقپارات پلاتفورمادان جويىلعان مازمۇننىڭ كولەمى مەن سيپاتى تۋرالى اقپارات بەرەتىن قاۋىمداستىق ەرەجەلەرىن ساقتاۋدى قامتاماسىز ەتۋ ەسەپتەرى ارقىلى توقسان سايىن اشىلادى. ونىڭ ىشىندە قازاقستاندا:
- 2023 جىلدىڭ ءتورتىنشى توقسانىندا قاۋىمداستىق ەرەجەلەرىن بۇزعانى ءۇشىن بارلىعى 399.024 بەينەروليك جويىلدى. بۇل 2023 جىلدىڭ بارلىق توقسانىندا TikTok-تان جويىلعان بەينەروليكتەردىڭ ەڭ ۇلكەن كورسەتكىشى.
- پلاتفورما بارلىق جويىلعان بەينەروليكتەردىڭ 92%-ىن بەلسەندى تۇردە ءوشىردى.
- قازاقستاندا بەينەبايانداردىڭ 86،3%-ى ولار جاريالانعاننان كەيىن العاشقى 24 ساعات ىشىندە جويىلدى.
قازاقستاندا 2023 جىلى جالپى قاۋىمداستىق ەرەجەلەرىن بۇزعان 4.225.396 بەينەروليك جويىلدى.
اسىرەسە،TikTok كامەلەتكە تولماعان پايدالانۋشىلارىنا، ياعني وسال توپقا ەرەكشە نازار اۋدارادى. ويتكەنى، TikTok – بۇل 13 جانە ودان جوعارى جاستاعى قولدانۋشىلارعا ارنالعان پلاتفورما: مۇندا جاڭا قولدانۋشىدان تۋعان كۇنىن، جىلىن تولىق كورسەتۋدى تالاپ ەتەتىن تىركەۋ فورماسى بار. پلاتفورمانىڭ مودەراتورلار توبى ەسەپتىك جازبالار 13 جاسقا تولماعان بالاعا تيەسىلى بولۋى مۇمكىن بەلگىلەردى بايقاۋعا ماشىقتانعان. ەگەر قاۋىپسىزدىك كومانداسى تىركەلگى كىشكەنتاي بالاعا تيەسىلى دەپ ەسەپتەسە، وندا ول بۇعاتتالادى.
TikTok 13 جاسقا تولماعان قولدانۋشىلاردىڭ 76.484.236 ەسەپتىك جازبالارى جويىلدى.