الماتى قالاسى ناۋرىزباي اۋدانى پروكۋراتۋراسى قىلمىستىق كودەكستىڭ 139-بابى، ياعني بالالارىن كۇتىپ-باعۋعا ارنالعان قاراجاتتى تولەۋ جونىندەگى مىندەتتەردى ورىنداماۋ بويىنشا قىلمىستىق ءىستى تىركەدى،دەپ حابارلايدى اlmaty-akshamy.kz.
«سوت تالقىلاۋى باراسىندا سوتتالۋشىنىڭ كىناسى دالەلدەندى، سونىمەن قاتار بورىشكەردىڭ ءۇش ايدان استام ۋاقىت بويى اليمەنتتەردى تولەۋ بويىنشا ءوز مىندەتتەرىن قاساقانا ورىنداماعانى، تولەمنەن جالتارتۋ ماقساتىندا تىكەلەي نيەتىمەن ءوزىنىڭ ناقتى تابىسىن سانالى تۇردە جاسىرعانى، وسىعان بايلانىستى ەكى ميلليون تەڭگەدەن استام بەرەشەك پايدا بولعانى انىقتالدى»، — دەپ جازدى باقىلاۋشى ورگاننان.
الماتى قالاسىنىڭ كامەلەتكە تولماعاندار جونىندەگى مامانداندىرىلعان اۋدانارالىق سوتىنىڭ ۇكىمىمەن سوتتالۋشى و.ە.يۋ. ق ر قك 139-بابىندا كوزدەلگەن قىلمىستىق قۇقىق بۇزۋشىلىق جاساعانى ءۇشىن كىنالى دەپ تانىلدى. كىنالىگە قاتىستى 1 جىل باس بوستاندىعىن شەكتەۋ، بۇكىل كەزەڭگە پروباسيالىق باقىلاۋ تاعايىنداۋمەن، جىلىنا 100 ساعات ءماجبۇرلى ەڭبەك تۇرىندەگى جازالاۋ شاراسى قولدانىلدى.
شەشىم زاڭدى كۇشىنە ەنگەن جوق.