شەتەلدىك بالالار ارناسىنىڭ مۋلتفيلمدەرى قازاق تىلىنە اۋدارىلادى
بۇگىن اقپارات جانە قوعامدىق دامۋ ءمينيسترى ايدا بالايەۆانىڭ «Groupe M6» كومپانياسىنىڭ تەلەارنالار مەن راديوستانسيالار پورتفەلىن حالىقارالىق ديستريبۋسيالاۋ جونىندەگى ديرەكتورى جان-رەنە وكۋتيۋرەمەن جانە «لتي ۆوستوك» باس ديرەكتورى ماريا جابينا-پانتەليكپەن كەزدەسۋى ءوتتى، دەپ حابارلايدى Almaty-akshamy.kz.
قازاقپارات سايتىنىڭ مالىمەتىنشە، تاراپتار بالالاردىڭ تانىمال مۋلتيپليكاسيالىق ارنالارىن، اتاپ ايتقاندا، «TiJi» تەلەارناسىن قازاق تىلىنە اۋدارۋ بويىنشا ىنتىماقتاستىقتىڭ دامىتۋ پەرسپەكتيۆالارىن تالقىلادى.
بۇل مەملەكەتتىك تىلدەگى بالالار كونتەنتىن ارتتىرۋداعى ماڭىزدى قادام بولماق.
«قازىرگى اقپاراتتىق عاسىردا مۋلتفيلمدەردىڭ بالاعا اسەرى ەرەكشە. بۇل باعىتتا ەلىمىزدە ۇلكەن جۇمىس اتقارىلىپ جاتىر. وسى سالاداعى جارقىن جوبالاردىڭ ءبىرى - بالالار تۇتىناتىن مەملەكەتتىك تىلدەگى كونتەنتتى ۇلعايتۋ ماقساتىندا تانىمال بالالار ارنالارىنىڭ مۋلتيپليكاسياسىن قازاق تىلىنە اۋدارۋ. ءسىزدىڭ ارناڭىزدىڭ وسىنداي جوبالاردى ىسكە اسىرۋداعى تاجىريبەسىن جانە حابار تاراتۋداعى تىلدەرىنىڭ مولشىلىعىن نازارعا الا وتىرىپ، ءبىزدىڭ ۇسىنىسىمىزدى قابىلداعانىڭىزعا قۋانىشتىمىن»، - دەپ اتاپ ءوتتى مينيستر ايدا بالايەۆا.
كەزدەسۋگە قاتىسۋشىلار ءوزارا ءتيىمدى قارىم-قاتىناستى نىعايتۋ جانە ودان ءارى جولعا قويۋ تۋرالى نيەتىن راستاي وتىرىپ، جان-جاقتى ىنتىماقتاستىققا جانە بىرلەسكەن جوبالاردى ىسكە اسىرۋعا دايىن ەكەنىن ءبىلدىردى.