جىل باسىنان بەرى تەرروريزمگە قارسى قانشا شارا وتكىزىلگەنى ايتىلدى، - دەپ حابارلايدى aqshamnews.kz.
جىل باسىنان بەرى ۇقك تەرروريزمگە قارسى بولىمشەلەرى وڭتۇستىك قازاقستاندا شەتەلدىكتەر قولدان جاساعان جارىلعىش قۇرىلعىسىن قولدانۋ ارقىلى ازىرلەگەن تەرروريستىك اكتىنىڭ الدىن الدى.
سونىمەن قاتار، استانادا راديكالدى ءدىني ۇياشىق بەيتاراپتاندىرىلدى. ونىڭ 8 مۇشەسى تەرروريستىك توپتى قۇرۋ، تەرروريزمدى ناسيحاتتاۋ جانە قارجىلاندىرۋ، سونىمەن قاتار وزگە دە قىلمىستارعا قاتىسى بار دەگەن كۇدىككە ءىلىندى.
وسىعان ۇقساس دەرەكتەر بويىنشا جالپى 19 ادام ۇستالىپ، قازاقستاننىڭ تاعى 4 ادام ءارتۇرلى مەرزىمگە باس بوستاندىعىنان ايىرۋ جازاسىنا سوتتالدى.
بۇل قاۋىپتەرگە قارسى ءىس-قيمىلدى جەتىلدىرۋ اياسىندا تەرروريزمگە قارسى ورتالىقتىڭ ۇيلەستىرۋىمەن 188 وقۋ-جاتتىعۋلارى وتكىزىلدى. قۇزىرەتتى مەملەكەتتىك ورگانداردىڭ كۇش-قۇرىلىمدارىنىڭ تەرروريستىك قاتەرلەردى ۋاقتىلى انىقتاۋ مەن تەرروريزم اكتىلەرىنىڭ جولىن كەسۋ بويىنشا ءىس-قيمىلدارىن بىرلەستىرۋ جۇمىسى پىسىقتالدى.
جالعان تەرروريزمگە قارسى ءىس-قيمىلدى جەتىلدىرۋ بويىنشا شارالار كۇشەيتىلدى.