كوشەلەرى زاماناۋي ونەر ورتالىعىنا اينالعان اۋداندار الەمنىڭ كوپتەگەن قالالارىندا بار. بۇل قاتاردى بيىل الماتى تولىقتىرىپ وتىر. بۇرىن دوستىق داڭعىلىنان ەسەنتاي وزەنىنە دەيىنگى وسپانوۆ كوشەسىندەگى تەررەنكۋر ۋچاسكەسى تار بولاتىن ءارى بۇل ايماقتا سەرۋەندەۋ مۇمكىن ەمەس ەدى. الايدا قالا اكىمى ەربولات دوسايەۆتىڭ تاپسىرماسى بويىنشا از ۋاقىتتىڭ ىشىندە بۇل ايماق تۇرلەنىپ شىعا كەلدى.
مۇندا اسفالت توسەلىپ، كەيبىر ۋچاسكەلەر توسەنىشتەرمەن بەزەندىرىلدى، تروتۋار قالا تۇرعىندارىنا سەرۋەندەۋگە ىڭعايلى بولۋ ءۇشىن كەڭەيتىلدى. ءبىراق ەڭ قىزىعى باسقادا. مەدەۋ اۋدانى اكىمدىگىنىڭ ۇيىقتى بولۋىمەن تانىمال Repas توبى ستريت-شەبەرلەرى قاراۋسىز قالعان ۋچاسكەنى اشىق اسپان استىنداعى كوركەمسۋرەت گالەرەياسىنا اينالدىرىپ جىبەردى.
ۇزىندىعى 420 مەتر بولاتىن بۇل ۇلكەن كەنەپتە ونداعان كومپوزيسيا بەينەلەگنگەن. قابىرعانى بوياۋمەن 80 سۋرەتشى اينالىستى. بارلىق سيۋجەتتەر ءبىر قاراعاندا ءارتۇرلى بولىپ كورىنگەنىمەن، ولاردى بىرىكتىرەتىن نارسە بار. جوبانىڭ يدەياسى – ول قازاق ءالىپبيىن بەينەلەيدى. سۋرەتشىلەردىڭ ءارقايسىسى وزىنە بەلگىلى ءبىر ءارىپتى تاڭداپ، وعان سۇيەنە وتىرىپ، ءوز سۋرەتىن جاسادى. سونىمەن قاتار، الىپپە كوشە ارتىستەرىنىڭ جۇمىسىندا ۇلكەن ماڭىزعا يە، اركىمنىڭ وزىندىك ەرەكشە قولتاڭباسى بار. سوندىقتان ولار ءۇشىن ارىپتىك تاڭبالار سيمۆولدىق سيپاتقا يە.
ناتيجەسىندە ءاربىر مۋرالدى شەكسىز قاراي بەرۋگە بولادى. ويتكەنى قابىرعا سۋرەتتەرىندە كوپتەگەن بولشەكتەر بار. بۇل قازاقتىڭ ۇلتتىق ويۋ-ورنەكتەرى، تانىمال ەمودزيلەر مەن شىعىستىڭ اسەم سۇلۋلارى. مۇنىڭ ءبارى قازىرگى الەمنىڭ جارقىن ءار تۇرلىلىگىن ايقىن كورسەتەدى. مۇنداي باي ءارى ءار ءتۇرلى سيۋجەتتەر ءتۇرلى سۋرەتشىلەردىڭ ەڭبەگىنىڭ ارقاسى. مىسالى، ەۆگەنيي Chervi ءوز جۇمىسىن ورتتە ءولىپ قالعان مىسىعىنا ارنادى. سۋرەتشى بالكونىنا دالادان تاۋىپ العان مىسىعىن پانالاتىپتى. مىسىق قاتىپ قالماس ءۇشىن رادياتور ورناتىپتى. ناتيجەسىندە ءورت شىعىپ، پاتەر دە ورتەنىپ، سول ورتتە مىسىعى ورتەنىپ كەتكەن ەكەن.
جالپى ءار سۋرەتشىنىڭ جۇمىسى تۋرالى بولەك بولەك ايتۋ مۇمكىن ەمەس. ويتكەنى ءار جۇمىستىڭ وزىندىك تاريحى، ايتىر ويى بار. ەڭ باستىسى بۇل جۇمىس الماتىعا ەمەس، ءتىپتى قازاقستان ءۇشىن ەمەس، بۇكىل ورتالىق ازيا ءۇشىن بىرەگەي جوبا بولىپ شىقتى.
- بۇل شىن مانىندە بۇگىنگى تاڭدا مۋرالدارعا ارنالعان ايماقتاعى ەڭ ۇلكەن كەنەپ. وزدەرىڭىز بىلەتىندەي، ورتالىق ازيادا بۇل قابىرعا مۋرالدارعا ارنالعان جارتى شاقىرىمعا جۋىق جالعىز كەنەپ، - دەيدى Almaty Creative Bureau باسشىسى كريستينا بەكمۋرزايەۆا. – جوبانىڭ ەرەكشەلىگى سول، سۋرەتشىلەرگە كارت-بلانش بەرىلدى. كوبىنەسە، كوشە ارتىستەرى ءبىزدىڭ تاپسىرىسىمىز بويىنشا جۇمىس ىستەيدى، مىسالى، ولار بەلگىلى ءبىر مەكەمە جاسايدى، وندا، ارينە، ناقتى تۇجىرىمداما بار. بارلىعى بەلگىلى ءبىر ستيلدە جاسالۋى كەرەك، ياعني سۋرەتشىلەرگە ەركىندىك بەرىلمەيدى. ال بۇل جوبادا ولاردا شەكتەۋ بولمادى، اركىم قابىرعادا قالاعان جۇمىسىن سالۋعا مۇمكىندىك الدى. مەنىڭ ويىمشا، بۇل الماتى اكىمدىگىنىڭ زاماناۋي مادەنيەتتى قالاي قولدايتىنىنىڭ تاعى ءبىر مىسالى، مەگاپوليستەگى كرەاتيۆتى يندۋستريانى دامىتۋعا سەپتىگىن تيگىزگەن جوبا بۇل. الداعى ۋاقىتتا الماتىنى ودان دا ادەمى ءارى تارتىمدى قالاعا اينالدىرامىز.
قاراۋسىز قالعان ۋچاسكەنىڭ قالانىڭ بەتكە ۇستار جەرىنە اينالۋى كوممۋنالدىق قىزمەتتەردىڭ تىنىمسىز جۇمىسىنىڭ جانە قازىرگى زامانعى ونەر الەمىنىڭ ەڭ كورنەكتى وكىلدەرىنىڭ ارقاسىندا مۇمكىن بولدى. بۇل ايماقتى اباتتاندىرۋ جۇمىستارى جاز ايىنىڭ ورتاسىندا باستالعان ەدى. ءقازىر بۇل ايماق 95 پايىزعا دايىن. دەسە دە، قابىرعاداعى سۋرەتتەردى قىزىقتاپ قاراپ جۇرگەن تۇرعىندار جۇرگىزىلىپ جاتقان جوندەۋ جۇمىستارىن ونشا بايقاپماۋى دا مۇمكىن. مىسالى جاقىنا ارادا كوشەگە كەشكى جارىق جۇيەسى ورناتىلادى. كوپ ەستىگەننەن ءبىر كورگەن دۇرىس.
