شىمكەنتتە جانار-جاعارماي بەكەتىنىڭ كاسساسىنان 12 ميلليون تەڭگە جىمقىرعان ەر ادام سوتتالدى، - دەپ حابارلايدى اlmaty-akshamy.kz.
پوليسياعا جانار-جاعارماي بەكەتىنىڭ كاسساسىنان اسا ءىرى مولشەردە اقشا جىمقىرىلعانى تۋرالى ارىز ءتۇستى. كاسىپكەردىڭ ايتۋىنشا، كاسسيرشى جىگىت تاۋلىكتىك كەزەكشىلىككە تۇسكەندە تولەم قابىلدايتىن بانك قۇرىلعىسىنىڭ بولماۋىنا بايلانىستى تۇتىنۋشىلارعا ءوزىنىڭ جەكە ەسەپشوتىن ايتىپ، اقشانى سوندا اۋدارتىپ وتىرعان.
"وسىلايشا، ول جانار-جاعارماي ساتۋدان تۇسكەن قاراجاتتى كاسساعا تولىق وتكىزبەي، جابىرلەنۋشىگە 12 350 000 تەڭگە شىعىن كەلتىرگەن. ءتارتىپ ساقشىلارى اتالعان جايتتى ق ر قك-نىڭ 189-بابى 4-بولىگى ("سەنiپ تاپسىرىلعان بوتەن ءمۇلiكتi يەمدەنiپ الۋ نەمەسە تالان-تاراجعا سالۋ") بويىنشا تىركەپ، سوتقا دەيىنگى تەرگەپ-تەكسەرۋ امالدارىن جۇرگىزدى"، - دەلىنگەن حابارلامادا.
35 جاستاعى جەرگىلىكتى تۇرعىن جىمقىرعان اقشانى جەكە قاجەتىنە جاراتىپ جىبەرگەنى انىقتالعان. تەرگەۋشىلەر بارلىق ايعاقتاردى جيناپ، قىلمىستىق ءىس ماتەريالدارىن سوتقا جولدادى.
ناتيجەسىندە، سوت ەر ادامدى كىنالى دەپ تانىپ، ونى 5 جىلعا ماتەريالدىق جاۋاپتىلىقپەن بايلانىستى قىزمەتتەردى اتقارۋ قۇقىعىنان جانە 7 جىل مەرزىمگە باس بوستاندىعىنان ايىرۋ جازاسىن تاعايىندادى.