5 ماۋسىم كۇنى الماتى قالاسى تەرگەۋ يزولياتورىنداعى تەرگەۋ تۇتقىنىنداعىلار دا تاڭەرتەڭ ەرتە لا-155\18 تۇزەۋ مەكەمەسىندەگى سايلاۋ ۋچاسكەسىنە كەلىپ، داۋىس بەردى.
ق ر قىلمىستىق-اتقارۋ كودەكسىنىڭ 104 بابىنىڭ 3 بولىگىندە كوزدەلگەندەي سوت ۇكىمى بويىنشا باس بوستاندىعىنان ايىرۋ ورىندارىندا ۇستالاتىن سوتتالعانداردان باسقا كۇدىكتىلەردىڭ رەسپۋبليكالىق رەفەرەندۋمعا قاتىسۋعا قۇقىقتارى بار. اتالعان ساناتقا تەرگەۋ تۇتقىنىنداعىلار مەن سوتتىڭ ۇكىمى ءالى كۇشىنە ەنبەگەن، جاسى ون سەگىزگە تولعاندار جاتادى.
رەفەرەندۋمعا دايىندىق كەزىندە الماتى قالاسى تۇركسىب اۋدانى اكىمىنىڭ شەشىمىمەن تەرگەۋ يزولياتورى ورنالاسقان اۋماق بويىنشا №479 سايلاۋ ۋچاسكەسى قۇرىلىپ، ۋچاسكەلىك سايلاۋ كوميسسياسىنىڭ مۇشەلەرى بەكىتىلدى.
وسىعان وراي لا-155/18 مەكەمەسىندە رەفەرەندۋم وتكىزۋ ءۇشىن، 5 كابينا جابدىقتالىپ، ۇگىت-ناسيحات جۇمىستارى جۇرگىزىلگەن بولاتىن.
«5 ماۋسىم – مەملەكەت باسشىسى ق-ج. توقايەۆتىڭ «جاڭا قازاقستان» قۇرۋ باستاماسىن جۇزەگە اسىرۋعا نەگىز بولاتىن ماڭىزدى كۇن. قازاقستان رەسپۋبليكاسىنىڭ كونستيتۋسياسىنا ەنگىزىلەتىن وزگەرىستەر – ەلىمىزدىڭ جارقىن بولاشاعىن قامتاماسىز ەتەتىنى ءسوزسىز. وسىنداي ماڭىزى زور ساياسي ناۋقانعا لا-155/18 مەكەمەسىندەگى تەرگەۋ قاماۋىنداعىلار دا بەلسەندى تۇردە ات سالىستى. 5 ماۋسىم كۇنى تاڭعى 7،-دەن باستاپ تەرگەۋ يزولياتورىنداعى داۋىس بەرۋگە قۇقىلى 1025 كۇدىكتى داۋىس بەردى. ولارعا الدىن الا قازاقستان رەسپۋبليكاسىنىڭ كونستيتۋسياسىنا ەنگىزىلەتىن وزگەرىستەردىڭ ماڭىزى تۋرالى ۇگىت ناسيحات جۇمىستارى جۇرگىزىلگەن بولاتىن. وسىنداي جۇيەلى جۇمىستاردىڭ ناتيجەسىندە 5 ماۋسىم كۇنى سوت ۇكىمى شىقپاعان بارلىق تەرگەۋ قاماۋىنداعىلار ۇيىمشىلدىقپەن داۋىس بەردى»، - دەيدى مەكەمە باستىعى جانە №479 سايلاۋ ۋچاسكەسىنىڭ ءتوراعاسى ادىلەت پودپولكوۆنيگى اسەت جۇمادييەۆ.