مەدەۋ اۋدانىندا جايلى قالالىق ورتانى قۇرۋ بويىنشا قارقىندى جۇمىس جالعاسۋدا، دەپ حابارلايدى almaty-akshamy.kz
«سامال-1» شاعىن اۋدانىنداعى «جۋرناليستەر» سكۆەرىن رەكونسترۋكسيالاۋ جانە وسپانوۆ كوشەسىندەگى جاياۋ جۇرگىنشىلەر ايماعىنىڭ قۇرىلىسى اياقتالدى.
بيىل ناۋرىز ايىنىڭ سوڭىنا دەيىن تۇرعىنداردىڭ ءوتىنىشى بويىنشا باستالعان «الاتاۋ» شاعىن اۋدانىنداعى سكەيتپاركتىڭ قۇرىلىسى اياقتالادى.
قوعامدىق كەڭىستىكتەردى دامىتۋ شەڭبەرىندە تەرەڭقۇردا دەمالۋعا بارىنشا قولايلى جانە تارتىمدى ايماق قۇرىلادى. جوبا سونىمەن قاتار زاماناۋي امفيتەاتر مەن جاياۋ جۇرگىنشىلەر كوپىرىن سالۋدى، توعاندى اباتتاندىرۋدى، بالالار مەن سپورت الاڭدارىن ورناتۋدى كوزدەيدى. جوبالاۋ-سمەتالىق قۇجاتتامانى وسى جىلدىڭ Iء-شى توقسانىندا اياقتاۋ جوسپارلانعان.
2023 جىلدىڭ قاراشا ايىندا قالامىزدىڭ كورىكتى نىشاندارىنىڭ ءبىرى – «كوكتوبە» تەلەمۇناراسىن ساۋلەتتىك-كوركەمدىك جارىقتاندىرۋدى بەزەندىرۋ بويىنشا دايىندىق جۇمىستارى باستالدى. قۇرىلىس-مونتاجداۋ جۇمىستارىنىڭ اياقتالۋى – وسى جىلدىڭ مامىر ايى