مەكتەپ عيماراتى قۇلجا تاس جولىنىڭ وڭتۇستىگىندە ورنالاسقان.
بۇعان قوسا 1500 ورىندىق 2 جەكە مەنشىك مەكتەپ سالۋ جوسپارلانعان، دەپ حابارلايدى Almaty-akshamy.kz
«2023 جىلى №48 مەكتەپتىڭ 250 ورىندىق قوسىمشا قۇرىلىسىن رەكونسترۋكسيالاۋ جانە №131 مەكتەپتى سەيسميكالىق كۇشەيتۋ ارقىلى كۇردەلى جوندەۋ جۇمىستارى اياقتالدى. «جايلى مەكتەپ» ۇلتتىق جوباسىنىڭ اياسىندا قۇلجا تاس جولىنىڭ وڭتۇستىگىندە 2 مىڭ ورىندىق جاڭا مەكتەپتىڭ قۇرىلىسى باستالدى. سونىمەن قاتار، وسى جىلى «دۋمان» شاعىن اۋدانىندا (1200 ورىن) جانە حاليۋللين كوشەسىندە (300 ورىن) 1500 ورىندىق 2 جەكە مەنشىك مەكتەپ سالۋ جوسپارلانعان. جوبالاردى ىسكە اسىرۋ مەرزىمى – 2024-2025 جىلدار. سونداي-اق، بيىل №35 مەكتەپكە 300 ورىندىق، №99 مەكتەپكە 250 ورىندىق جانە №131 مەكتەپكە 300 ورىندىق قوسىمشا قۇرىلىس سالۋ جوسپارلانعان»، دەدى الماتى قالاسىنىڭ اكىمى ەربولات دوسايەۆ اۋدان حالقىمەن كەزدەسۋىندە.