كونسۋلتاسيالىق-دياگنوستيكالىق قىزمەتتەر كورسەتۋ بويىنشا وزگەرىستەر جاسالادى
دەنساۋلىق ساقتاۋ مينيسترلىگى «امبۋلاتوريالىق جاعدايدا مامانداندىرىلعان مەديسينالىق كومەك كورسەتۋ قاعيدالارىن بەكىتۋ تۋرالى» بۇيرىق جوباسىن ازىرلەدى، دەپ حابارلايدى Almaty-akshamy.kz Baq.kz-كە سىلتەمە جاساپ.
دەنساۋلىق ساقتاۋ مينيسترلىگى كونسۋلتاسيالىق-دياگنوستيكالىق كومەك كورسەتۋ بويىنشا ازاماتتاردان كوپتەگەن وتىنىشتەر الۋدا
ولار بۇگىندە "حالىق دەنساۋلىعى جانە دەنساۋلىق ساقتاۋ جۇيەسى تۋرالى" كودەكسكە سايكەس ەمحانا دەڭگەيىندە ۋچاسكەلىك تەراپيەۆت ارقىلى جۇزەگە اسىرىلادى (بەيىندى ماماندارعا جازىلۋ ۋچاسكەلىك دارىگەردىڭ قاراۋىنان كەيىن جۇزەگە اسىرىلادى، كورسەتىلىمدەر بولعان كەزدە پاسيەنت بەيىندى مامانعا جىبەرىلەدى).
سونىمەن قاتار ازاماتتاردىڭ كوپتەگەن وتىنىشتەرىن ەسكەرە وتىرىپ، قازىرگى ۋاقىتتا مينيسترلىك "امبۋلاتوريالىق جاعدايدا مامانداندىرىلعان مەديسينالىق كومەك كورسەتۋ قاعيدالارىن بەكىتۋ تۋرالى" بۇيرىق جوباسىن ازىرلەدى، وندا بەلگىلى ءبىر جاعدايلاردا جالپى پراكتيكا دارىگەرىنىڭ جولداماسىنسىز كونسۋلتاسيالىق-دياگنوستيكالىق قىزمەتتەر كورسەتۋ كوزدەلگەن:
- شۇعىل جاعدايلار مەن جاراقاتتار، ونىڭ ىشىندە وفتالمولوگيالىق، وتورينولارينگولوگيالىق جانە باسقا دا جاراقاتتار؛
- شۇعىل جانە جوسپارلى ستوماتولوگيالىق كومەك كورسەتۋ؛
-دەرماتوۆەنەرولوگيالىق بەيىندەگى اۋرۋلار؛
- تىركەلگەن جەرى بويىنشا اكۋشەر-گينەكولوگ پەن پسيحولوگقا قابىلداۋ؛
- ونكولوگيالىق جانە گەماتولوگيالىق بەيىندەگى اۋرۋلارعا كۇدىك بولعاندا؛
- ديناميكالىق باقىلاۋ اۋرۋىنىڭ بەيىنى بويىنشا؛
- جاستار دەنساۋلىق ورتالىقتارىنا؛
- ءبىر جاعداي شەڭبەرىندە بەيىندى مامانعا قايتا قابىلداۋ كەزىندە؛
- جىلجىمالى مەديسينالىق كەشەندەر قىزمەتىن كورسەتۋ كەزىندە جانە ت. ب.
مەديسينالىق كومەك كورسەتۋ دەپارتامەنتى ديرەكتورىنىڭ ورىنباسارى گۇلنار سارسەنبايەۆا اتاپ وتكەندەي جپد (جالپى پراكتيكا دارىگەرى) اۋرۋدىڭ جاسىنا جانە تۇرىنە قاراماستان بۇكىل وتباسىنا كوپ بەيىندى كومەك كورسەتۋ ءۇشىن نەگىزگى مەديسينالىق ماماندىقتاردا كەڭىنەن باعدارلانۋى ءتيىس.
جپد ۇيدە قابىلداۋدى جانە بارۋدى، پروفيلاكتيكالىق، ەمدەۋ-دياگنوستيكالىق جانە وڭالتۋ ءىس-شارالارىنىڭ كەشەنىن جۇرگىزۋدى جۇزەگە اسىرادى. ونىڭ جۇمىسىنىڭ تاسىلدەرى وتباسىنىڭ ەرەكشەلىكتەرىن ەسكەرە وتىرىپ باعىتتالعان.