اقپان ايىنىڭ سوڭىنا دەيىن الماتى قالاسىندا اۋا رايى قولايسىز بولاتىنى ەسكەرتىلدى

تجد 112 سمس حابارلامالارىنا مۇقيات قاراۋعا شاقىردى

الماتى قالاسى تۇرعىن ءۇي ساياساتى باسقارماسىنىڭ مالىمەتىنشە، اقپان ايىنىڭ سوڭىنا دەيىن الماتى قالاسىندا اۋا رايىنىڭ قۇبىلمالىلىعى، جوعارعى تەمپەراتۋرادان تومەنگى تەمپەراتۋراعا كۇرت وزگەرۋى، قار ارالاس جاڭبىر تۇرىندە نورمادان جوعارى جاۋىن-شاشىننىڭ ءتۇسۋى، سونداي-اق جوعارى ىلعالدىلىق، اياز، تۇمان جانە كوكتايعاق كۇتىلۋدە، دەپ حابارلايدى Almaty-akshamy.kz.

«قۇرمەتتى الماتىلىقتار! اقپان ايىنىڭ سوڭىنا دەيىن الماتى قالاسىندا اۋا رايىنىڭ قۇبىلمالىلىعى، جوعارعى تەمپەراتۋرادان تومەنگى تەمپەراتۋراعا كۇرت وزگەرۋى، قار ارالاس جاڭبىر تۇرىندە نورمادان جوعارى جاۋىن-شاشىننىڭ ءتۇسۋى، سونداي-اق جوعارى ىلعالدىلىق، اياز، تۇمان جانە كوكتايعاق كۇتىلۋدە.
وسىعان بايلانىستى الماتى ءتجد-نىڭ 112 سمس حابارلامالارىنا مۇقيات قاراۋدى، اۆتوكولىك جۇرگىزۋ كەزىندە ساقتىق شارالارىن ساقتاۋدى، جىلدامدىقتى ازايتۋدى، قاشىقتىقتى ساقتاۋدى، كەنەتتەن مانيەۆرلەر مەن تەجەلۋلەردەن اۋلاق بولۋدى سۇرايمىز. جولدىڭ ءجۇرۋ بولىگىندە جانە تروتۋارلاردا كوكتايعاق پايدا بولعاندا جاياۋ جۇرگىنشىلەر ساق بولۋ كەرەك، اسىرەسە باسپالداقتاردان تومەن ءتۇسۋ جانە كوتەرىلۋ كەزىندە.
قىمباتتى الماتىلىقتار - ءسال شىدامدىلىق تانىتايىق، جاقىن ارادا ءبىزدىڭ سۇيىكتى قالامىزدا كوپتەن كۇتكەن ۇزاق جانە جىلى كەزەڭ بولاتىنىن ۇمىتپاڭىزدار! جاقىندارىڭىز بەن ءوز دەنساۋلىقتارىڭىزعا اباي بولىڭىزدار!» دەلىنگەن رەسميحابارلامادا.