تەراپيەۆت ارتەريالدى قان قىسىمىن تۇسىرەتىن ءونىمدى اتادى

شوكولاد ارتەريالدى قان قىسىمىن تۇسىرۋگە اسەر ەتەدى

بۇل تۋرالى جاپوندىق تەراپيەۆت يۋمۋ موري ايتتى، دەپ حابارلايدى Almaty-akshamy.kz رەن-تۆ-عا سىلتەمە جاساپ.

ونىڭ پىكىرىنشە، دەسەرتتىڭ بۇل تۇرىندە كاكاو فلاۆونولدارى كوپ. وسىنىڭ ارقاسىندا قان تامىرلارىنداعى ازوت وكسيدىنىڭ سينتەزى باستالىپ، ولاردىڭ كەڭەيۋى جۇرەدى.

جاپون دارىگەرى شۆەد عالىمدارى جۇرگىزگەن زەرتتەۋگە سۇيەنەدى. وعان 70 مىڭعا جۋىق ادام قاتىستى. ناتيجەسىندە شوكولاد ميوكارد ينفاركتىسىنىڭ دامۋ ءقاۋپىن ازايتۋعا ۇلكەن اسەر ەتكەنىن كورسەتتى، دەپ حابارلايدى Diamond online جۋرنالى.

ءتورت جارىم اي ىشىندە ماماندار  ەكى توپقا بولىنگەن ەرىكتىلەردىڭ قان قىسىمىن سالىستىردى. قارا شوكولادتى جەگەن ەكسپەريمەنتكە قاتىسۋشىلاردىڭ اراسىندا قىسىمنىڭ جوعارعى ءمانى سىناپ باعاناسىنىڭ 2،9 ميلليمەترگە تومەندەگەنى بەلگىلى بولدى. سونىمەن قاتار، اق شوكولاد جەگەن توپتا ەشقانداي وزگەرىس بولعان جوق.

وسىلايشا، جاپون دارىگەرىنىڭ ايتۋىنشا، شوكولادتىڭ بارلىق تۇرلەرى دەنساۋلىققا پايدالى اسەر ەتە بەرمەيدى. سونداي-اق، ول 70 پايىزدان استام كاكاو بار شوكولادتى جەۋگە كەڭەس بەردى.