قتف باسشىلىعىنىڭ شەشىمىمەن قازاقستان ايەلدەر قۇراماسىنا يۋريي ششۋكين جەتەكشىلىك ەتەتىن بولدى، دەپ حابارلايدى اlmaty-akshamy.kz.
بۇعان دەيىن قازاقستان ايەلدەر قۇراماسىنا ياروسلاۆا شۆەدوۆا باسشىلىق ەتىپ كەلگەن بولاتىن.
شۆەدوۆا 2020 جىلدىڭ اقپانىنان 2021 جىلدىڭ ساۋىرىنە دەيىن ءارى كاپيتان، ءارى ويىنشى رەتىندە قىزمەت اتقاردى. كەيىن كاپيتاندىققا ءبىرجولا اۋىستى.
كەيىنگى جىلدارى ايەلدەر قۇراماسىندا يۋريي ششۋكين كومەكشى باپكەر رەتىندە جۇمىس ىستەدى. ول سونداي-اق 2020 جىلدىڭ ناۋرىزىنان بەرى قازاقستان ەرلەر قۇراماسىن باسقارادى.
قازاقستان تەننيس فەدەراسياسىنىڭ ۆيسە-پرەزيدەنتى دياس دوسقارايەۆ كادرلىق وزگەرىسكە قاتىستى پىكىرىن ءبىلدىردى.
«ۇلتتىق ايەلدەر قۇراماسىندا تۇبەگەيلى ەشتەڭە وزگەرتىپ جاتقان جوقپىز. بۇرىن ايەلدەر قۇراماسىندا يۋريي باپكەر، ياروسلاۆا كاپيتان ەدى. ەندى كەرىسىنشە ششۋكين باسشىلىق تىزگىندى قولعا الىپ، شۆەدوۆا وعان جاردەمدەسەتىن بولادى. بىلايشا ايتقاندا، كادرلار ورنىن اۋىستىردى، بۇل قۇرامانىڭ بيىلعى ماۋسىمدا تابىستى ونەر كورسەتەتىنىنە سەپتەسەدى دەپ ۇمىتتەنەمىز»، - دەدى د.دوسقارايەۆ.
ەسكە سالا كەتەيىك، بۇدان بۇرىن قازاقستاندىق تەننيسشىلەردىڭ ينديان-ۋەللس تۋرنيرىندەگى قارسىلاستارى انىقتالعانىن جازعان بولاتىنبىز.