وڭىرلىك كوممۋنيكاسيالار قىزمەتىنىڭ بريفينگىندە الماتى يندۋستريالدى ايماعىنىڭ ديرەكتورى اليشەر ساتىبالدييەۆ مەگاپوليستەگى ونەركاسىپتىك پاركتەردىڭ دامۋى تۋرالى ايتىپ بەردى، دەپ حابارلايدى Almaty-akshamy.kz
شاعىن ونەركاسىپتىك پاركتەر - بۇل شاعىن جانە ورتا بيزنەس سۋبەكتىلەرىنە ءبىر شارشى مەترىنە 1 350 تەڭگە تىركەلگەن جالداۋ مولشەرلەمەسىمەن جانە ءۇي-جايلاردى ودان ءارى ساتىپ الۋ مۇمكىندىگىمەن جالعا بەرۋ ءۇشىن كوممۋنيكاسيالارى بار وندىرىستىك ءۇي-جايلار.
وكق سپيكەرىنىڭ مالىمەتىنشە، قازىرگى ۋاقىتتا الماتىدا ينۆەستيسيا كولەمى 13،2 ملرد تەڭگە جانە جالپى اۋدانى 133،2 مىڭ ش.م. بولاتىن، 2999 جۇمىس ورنىن قۇرىپ وتىرعان 29 شاعىن ونەركاسىپتىك پارك جوباسى ىسكە اسىرىلۋدا.
ونىڭ ىشىندە 24 ءشوپ جوباسى الماتى يندۋستريالدى ايماعىنىڭ اۋماعىندا ورنالاسقان. ينۆەستيسيالاردىڭ جالپى سوماسى - 7،95 ملرد تەڭگە، اۋدانى - 78،4 مىڭ ش.م.، 2 575 جۇمىس ورنى قۇرىلدى.
«قالعان 5 ءشوپ الماتى قالاسىنىڭ اۋماعىندا ورنالاسقان. ينۆەستيسيالاردىڭ جالپى كولەمى - 1،22 ملرد تەڭگە، جالپى اۋدانى - 17،4 مىڭ ش. م.، 424 جۇمىس ورنى قۇرىلدى»، - دەدى ا. ساتىبالدييەۆ.