شىمكەنتتە تەننيستەن الەم چەمپيوناتىنا ىرىكتەۋ ءجۇرىپ جاتىر.
شىمكەنت قالاسىندا 16 جاسقا دەيىنگىلەر اراسىندا ازيا – تىنىق مۇحيتى ايماعى بويىنشا ءوتىپ جاتقان Juniors Davis Cup الەم چەمپيوناتىنىڭ ىرىكتەۋ تۋرنيرىندە قازاقستان جاسوسپىرىمدەرى جاڭا زەلانديانى 3:0 ەسەبىمەن ۇتتى. بۇل تۋرالى اlmaty-akshamy.kz قازاقستان تەننيس فەدەراسياسىنا سىلتەمە جاساپ حابارلايدى.
جاسوسپىرىمدەر كومانداسى D توبىندا باستاپقى كەزدەسۋىندە جاڭا زەلانديا قۇراماسىمەن شەبەرلىك بايقاستى. الدىمەن زاڭعار نۇرلان ۇلى 58 مينۋتتا فين ۋيلماندى تىزە بۇكتىردى – 6:0، 6:1.
ءامىر ومارحانوۆ تا قالىسپاي، كاي ميلبورندى 6:1، 6:2 ەسەبىمەن ۇتتى. سودان كەيىن ءامىر دامير جالعاسبايمەن بىرگە جۇپتىق سىندا قارسىلاستارىن قاپى قالدىردى – 6:3، 6:2.
ەرتەڭ، 9 مامىر كۇنى، قازاقستاندىقتار قىتايلىق تايبەي كومانداسىمەن كورتقا شىعادى.