قازاقستاندىق تەننيسشى موناكولىق ارىپتەسىمەن تارتىستى كەزدەسۋ وتكىزدى.
قازاقستاندىق تەننيسشى بەيبىت جۋكايەۆ تايلاندتاعى Bangkok Open چەللەندجەر ءتۋرنيرىنىڭ جارتىلاي فينالىنا شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
اقتاۋ تەننيس مەكتەبىنىڭ تۇلەگى، دۇنيەجۇزىلىك رەيتينگتە 395-ورىندا تۇرعان ب.جۋكايەۆ شيرەك فينالدا الەمنىڭ 271-راكەتكاسى، موناكولىق ۆالەنتين ۆاشەرومەن تارتىستى كەزدەسۋ وتكىزدى.
ەكى ساعاتتان استام ۋاقىتقا سوزىلعان ماچتا قازاقستاندىق تەننيسشى 7:5، 3:6، 7:6 (7:2) ەسەبىمەن جەڭىستى جۇلىپ الدى.
ءۇشىنشى، شەشۋشى سەتتە موناكولىق سپورتشى ەسەپ 5:4 بولعان مەزەتتە ماچقا دوپ بەردى. ءبىراق بەيبىت برەيك جاساپ، تارازى باسىن تەڭەستىردى. سوسىن تاي-برەيكتە ايقىن باسىمدىلىق تانىتتى. جۋكايەۆ باسەكە بارىسىندا 18 ەيس جاساپ، 3 برەيك-پوينتتىڭ ەكەۋىن پايدالاندى.
ب.جۋكايەۆ فينالعا شىعۋ ءۇشىن الەمنىڭ 432-راكەتكاسى، فرانسيالىق ارتۋر كازومەن تالاسادى.