الماتىدا كاسىپورىن قىزمەتكەرلەرى قۇنى 50 ملن تەڭگەلىك كابەل ونىمدەرىن ۇرلاعان.
تەرگەۋ انىقتاعانداي، ونى بايلانىس كاسىپورىندارىنىڭ ءبىرىنىڭ 14 قىزمەتكەرى بىرنەشە كەزەڭمەن جۇزەگە اسىرعان. ولار سوتتالدى. كومپانيا وكىلىنىڭ ايتۋىنشا، قالا اۋماعىندا كابەل ونىمدەرىن ۇرلاۋ ءۇش جىلدان بەرى ورىن الىپ كەلەدى. جالپى ماتەريالدىق شىعىن – 50 ميلليون تەڭگەدەن استى، دەپ حابارلايدى Almaty-akshamy.kz Polisia.kz-كە سىلتەمە جاساپ.
تۇركسىب اۋداندىق پب-نا رەسمي ارىز بەرىلدى. تەرگەۋ ءىس-شارالارىنىڭ ناتيجەسىندە كاسىپورىننىڭ 14 قىزمەتكەرىنىڭ قاتىسى انىقتالدى، ولار كابەلدەردىڭ، تىزبەكتەردىڭ جانە دابىل قورعانىسىنىڭ ورنالاسقان جەرىن بىلە وتىرىپ، 2021 جىلدىڭ جەلتوقسانىنان 2022 جىلدىڭ قاڭتار ايىنىڭ سوڭىنا دەيىن مۇلىكتى ۇرلاۋدى ۇيىمداستىرعان.
«الماتى پوليسياسىنىڭ باسشىلىعىنا، تۇركسىب اۋداندىق پب-نىڭ پوليسيا قىزمەتكەرلەرى، اتاپ ايتقاندا تەرگەۋشى ءانۋار ءشارىپوۆتىڭ، جەدەل ۋاكىل جاسۇلان اسىلحانوۆتىڭ جانە تۇركسىب اۋداندىق پب باستىعىنىڭ تەرگەۋ جونىندەگى ورىنباسارى ايداربەك كەرىمبەكوۆتىڭ كاسىبي جانە ادامي قاسيەتتەرىن حابارلاۋدى ازاماتتىق بورىشىم دەپ بىلەمىن. ولاردىڭ كاسىپقويلىعىنىڭ ارقاسىندا ق ر قك-نىڭ 188-بابى 3-بولىگىنىڭ 1-تارماعىنا (ۇرلىق، ياعني الدىن الا ءسوز بايلاسۋ بويىنشا ادامدار توبىنىڭ اسا ءىرى كولەمدە مۇلىكتى جىمقىرۋى) سايكەس قوزعالعان قىلمىستىق ءىس اياقتالدى. كىنالىلەر وزىنە لايىقتى جازاسىن الدى. قول استىنداعىلارىڭىزدىڭ اراسىندا وسىنداي قىزمەتكەرلەردىڭ كوپ بولۋىن شىن جۇرەكتەن تىلەيمىز»، – دەدى “قازاقتەلەكوم” اق باسقارما ءتوراعاسىنىڭ ۋاكىلەتتى وكىلى ش.رازدىقوۆ.