بەيبىت قارسىلاسىن ايقىن باسىمدىقپەن ۇتتى
ۇلتتىق وليمپيادا كوميتەتىنىڭ دەرەگىنشە، قازاقستاندىق تەننيسشى بەيبىت جۋكايەۆ «داۋلەت» تەننيس ورتالىعىندا ITF World Tennis Tour M 25 سەرياسى بويىنشا ءوتىپ جاتقان جارىستىڭ شيرەك فينالىنا شىقتى، دەپ حابارلايدى Almaty-akshamy.kz
جۋكايەۆ ەكىنشى اينالىمدا وتانداسى گريگوريي لوماكينمەن ب ا ق سىناستى. اقتاۋ تەننيس مەكتەبىنىڭ تۇلەگى 1 ساعات 8 مينۋتقا سوزىلعان ماچتا 6:2، 6:3 ەسەبىمەن جەڭىسكە جەتتى. بەيبىت جۋكايەۆ باسەكە بارىسىندا 10 ەيس جاساپ، 9 برەيك-پوينتتىڭ ۇشەۋىن پايدالاندى.
بەيبىت جارتىلاي فينالعا شىعۋ ءۇشىن كانادالىق فيليپپ پەليۆومەن تالاسادى. ءبىر اپتا بۇرىن قازاقستاندىق تەننيسشى العاشقى اينالىمدا وسى سپورتشىعا تارتىستى ماچتا 1:6، 6:2، 6:7 (3:7) ەسەبىمەن ەسە جىبەرگەن بولاتىن. دەگەنمەن بەيبىت جۋكايەۆ سول تۋرنيردە رەسەيلىك اندرەي كۋزنەسوۆپەن بىرگە جۇپتىق سىندا جەڭىمپاز اتانعان ەدى.
تاعى ءبىر قازاقستاندىق دەنيس ەۆسەيەۆ ەلوردا دوداسىنىڭ ەكىنشى اينالىمىندا پولياك ميحال دەمبەكتەن 4:6، 4:6 ەسەبىمەن ۇتىلىپ قالدى.