بۇل 1977 جىلى تۋعان، ناقتى تۇرعىلىقتى جەرى جوق م.ەسىمدى ازامات ەكەن.
الماتىدا پوليسەيلەر ەيفەل مۇناراسىنان سەكىرمەك بولعان ەر ادامدى قۇتقاردى، دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
«102» پۋلتىنە دابىل تۇنگى ۋاقىتتا كەلىپ ءتۇستى. قوڭىراۋ شالعاندار بەلگىسىز ەر ادامنىڭ نازاربايەۆ پەن اباي داڭعىلدارىنىڭ قيىلىسىندا ورنالاسقان مۇنارادان سەكىرمەكشى بولىپ تۇرعانىن حابارلادى.
«ءبىزدىڭ ءتۇسىرىلىم توبىمىز وقيعا ورنىنا العاشقىلاردىڭ ءبىرى بولىپ جەتتى. وسى كەزدە «فرانسۋز ءۇيىنىڭ» كۇزەتشىسى جوعارىعا كوتەرىلىپ، ەر اداممەن كەلىسسوزدەر جۇرگىزىپ جاتقان، ال “بۋران-160” ەكيپاجىنىڭ پاترۋلشىلەرى تومەندە تۇرىپ، ءوتىپ بارا جاتقاندارمەن بىرگە سەكىرمەكشى بولعان ادام ويىنداعىسىن جۇزەگە اسىراتىن بولسا دەپ تەنتتى جايدى. ىڭعايلى ءساتتى كۇتىپ، جوعارى كوتەرىلدىم. ارتىنان جاسىرىنىپ بارىپ، كۇزەتشىمەن بىرگە ەر ادامدى ۇستاپ الدىق، ونىڭ وز-وزىنە قول جۇمساۋعا باعىتتالعان ارەكەتتەرىنە توسقاۋىل قويدىق. سوسىن ونى باسپالداقپەن تومەن تۇسىردىك. بەلگىسىز ادام قاتتى الكوگولدىك ماساڭ كۇيدە بولدى، ءوز ارەكەتىنىڭ سەبەبىن ناقتى تۇسىندىرە المادى. پاترۋلدىك ەكيپاج ونى تەرگەۋ ءۇشىن بوستاندىق اۋداندىق پوليسيا باسقارماسىنا اكەلدى»، – دەدى الماتى قالالىق پد ىشكى جانە سىرتقى كوممۋنيكاسيالار باسقارماسىنىڭ (باسپا ءسوز قىزمەتى) قىزمەتكەرى تالعات سەيىلبايەۆ.
ەر ادامنىڭ جەكە باسى انىقتالدى. بۇل 1977 جىلى تۋعان، ناقتى تۇرعىلىقتى جەرى جوق م.ەسىمدى ازامات بولىپ شىقتى. ەسىن جيعان ول ءتارتىپ ساقشىلارىنا ءوز ومىرىنە بايلانىستى وسىنداي قادامعا بارۋعا شەشىم قابىلداعانىن ايتتى.